ნათია თოდუა

დაიბადების ადგილი: ქ. თბილისი. 
სწავლობდა კავკასიის უნივერსიტეტში, ეკონომიკის განხრით.

2013 წელს მონაწილეობა მიიღო მუსიკალურ კონკურს "მაგთიფანში"; 2014 წელს  X Factor Georgia-ში, ხოლო 2015 წელს –  X-Factor Ukraine-ში; 2016 წელს საცხოვრებლად გადავიდა ბრუხზალში (გერმანია), სადაც ოპერის პროგრამით დაიწყო მუშაობა; მონაწილეობა მიიღო The Voice of Germany-ს მეშვიდე სეზონის შესარჩევ ტურში, რომლის წარმატებით გავლის შედეგად, შეუერთდა ფინელი მუსიკოსის და ჯგუფ Sunrise Avenue-ს სოლისტის, სამუ ჰაბერის გუნდს. 2017 წლის 17 დეკემბერს The Voice of Germany-ს ფინალურ შოუში მან მოიპოვა შემოსული ხმების 50.1% და გახდა The Voice of Germany 2017-ის გამარჯვებული; გამარჯვების შემდეგ მან კონტრაქტი გააფორმა Universal Music Group-თან. 2017 წლის 29 დეკემბერს დასახელდა როგორც გერმანიის ევროვიზიის ეროვნული კონკურსის, Unser Lied für Lissabon-ის ერთ-ერთი მონაწილე; 2017 წელს მიიღო 3 წლიანი სტიპენდია, რომლის წყალობითაც ბერლინის ხელოვანთა ვილაში "Löwenpalais" ცხოვრობდა, როგორც საერთაშორისო ხელოვანი / მუსიკოსი; 2019 წელს შეწყვიტა კონტრაქტი Universal Music Germany - თან და დამოუკიდებლად გამოუშვა თავის სადებიუტო ალბომი "Miss You", რომლის პრეზენტაციაც 10 იანვარს 2020 წელს ქალაქ ბერლინში სოლო კონცერტის სახით გაიმართა; 2019-2020 წლებში იყო საქართველოს მუსიკალური მეგა პროექტის "საქართველოს ვარსკვლავის" მოწვეული ჟიურის წევრი; 2022 წელს მონაწილეობა მიიღო გერმანიის ყველაზე დიდ და მაშტაბურ ჯაზის ფესტივალზე Jazz Open Stuttgart, სადაც სცენას იზიარებდა მუსიკოსებთან ერთად როგორებიც არიან: Sting, Jorja Smith, Celeste, Katie melua, Jamie Cullum, Larkin Poe, lenny kravitz და ა. შ., 2022 წლის 9 ოქტომბერს შექმენა ოჯახი, მეუღლე დავით ზურაბაშვილი, 2023 წლის 5 მარტს შეეძინა შვილი ჰუგო ზურაბაშვილი; 2023 წელს ბერლინში შექმენა საკუთარი ბენდი, რომელიც აქტიურად ღებულობს მონაწილეობას გერმანიის მუსიკალურ ფესტივალებზე; ამ ეტაპზე მუშაობს ახალ EP - ზე. მომღერალი, რომელიც ცნობილი გახდა The Voice of Germany-ს მეშვიდე სეზონის მოგების შემდეგ.

წყარო: ნათია თოდუას მიერ მოწოდებული ბიოგრაფიული მონაცემები; ახალი ამბების სააგენტო: sputnik-georgia.com