ნ. ასათიანი

რკინიგზაზე მემანქანედ მუშაობასთან ერთად, სასცენო ხელოვნების დარგშიც მონაწილეობდა. 1902 წლიდან სცენაზე თითქმის განუწყვეტლივ, უსასყიდლოდ, ხშირად ქართული სცენის დიდოსტატებთან (ვლ. ალექსი-მესხიშვილთან, მ. საფაროვა-აბაშიძესთან, ნ. გოცირიძესთან და სხვ.) ერთად გამოდიოდა, უმთავრესად სახასიათო როლებს ასრულებდა. ყოფილი შორაპნის მაზრის თითქმის ყველა სოფელში თავისი ხელმძღვანელობით უფასო წარმოდგენებს დგამდა, ხალხში სასცენო ხელოვნების სიყვარულს ნერგავდა. მისი თაოსნობით დაარსდა ზესტაფონის რკინიგზის მუშათა კლუბი. სცენისმოყვარული, მემანქანე-გამომგონებელი.

წყარო: ქართველ მოღვაწეთა ლექსიკონი:1801-1952: ტ.I .-თბ.,2018.-გვ.215