მიხეილ ქავთარაძე

დაბადების ადგილი: ქ. სენაკი.

მონაწილეობდა საბჭოთა ხელისუფლების წინააღმდეგ მიმართულ 1924 წლის აგვისტოს აჯანყებაში; 1927 წელს, 21 წლის ასაკში, შეუერთდა ქართულ პოლიტიკურ ემიგრაციას საფრანგეთში; უცხოეთში ეწეოდა საზოგადოებრივ-პოლიტიკურ მოღვაწეობას. მეორე მსოფლიო ომის წლებში გაწევრიანდა "ვერმახტის" ქართული ლეგიონის ქვედანაყოფების "თამარ I"-სა და "ბერგმანის" შემადგენლობაში; 1950-იანი წლებიდან მოყოლებული იყო ჟურნალ "ივერიის"  უკანასკნელი რედაქტორი; არის ავტორი მრავალი პუბლიკაციისა და ავტობიოგრაფიული რომანისა "იანიჩარები"; მისი ნაშრომები ფასდაუდებელ მასალას წარმოადგენს ამ ეპოქის მკვლევართათვის; 1991 წელს მან პარტიული რეგალიები გადასცა პარიზში სტუმრად მყოფ ეროვნულ-დემოკრატიული პარტიის ლიდერს გიორგი ჭანტურიას; 76 წლის განმავლობაში იცხოვრა დასავლეთ ევროპაში და ამის მიუხედავად, მას ერთი დღეც არ უარსებია საქართველოს გარეშე. ამის ნათელი დადასტურებაა მისი მემუარები, პუბლიცისტური წერილები და ლექსები; 2003 წელს, 97 წლის ასაკში აუხდა ოცნება და სამშობლოში დაბრუნდა; იგი მეოცე საუკუნის 20-იანი წლების ეროვნულ-დემოკრატიული პარტიის (ედპ) ერთადერთი წარმომადგენელია, რომელმაც დამოუკიდებელ საქართველოში დაბრუნებულმა დაასრულა სიცოცხლე; 2007 წლის დეკემბერში, გამოაქვეყნა კიდევ ერთი ავტობიოგრაფიული ნაშრომი "ცხოვრების 100 წელი"; პოლიტიკური მოღვაწე.

წყარო: გაზეთი კვირის პალიტრა: www.kvirispalitra.ge

• ცხოვრების 100 წელი : იანიჩარები, წერილები, თარგმანები, ლექსები (ავტორი). - თბილისი, 2007. - 544გვ.
• იანიჩარები : ემიგრანტის მოგონებები (ავტორი). - თბილისი, მეცნიერება, 2001. - 192გვ.
• ნაწერები და სიტყვები : 1960 წლიდან 1991 წლამდე : მასალები ემიგრანტული პრესის მკვლევართათვის (ავტორი). - პარიზი, 1997. - 246გვ.