ივანე ფიგუროვსკი

დაამთავრა ვარშავის უნივერსიტეტი 1893 წელს.

1895-1907 და 1912-1921 წლებში მუშაობდა თბილისის ფიზიკურ ობსერვატორიაში. მისი შრომები ძირითადად ეხება კავკასიის კლიმატოლოგიის საკითხებს. პირველმა შეიმუშავა კავკასიის ჰავის დეტალური კლასიფიკაცია, და მოგვცა მისი კლიმატური დარაიონება (1903-1905). 1919-1921 წწ. იყო თბილისის სახელმწიფო უნივერსიტეტის პროფესორი. კლიმატოლოგი, ფიზიკა-მათემატიკურ მეცნიერებათა დოქტორი (1937), პროფესორი (1921).

წყარო: საქართველოს დემოკრატიული რესპუბლიკა (1918-1921): ენციკლოპედია -ლექსიკონი. -თბ., 2018.-გვ.439