დავით გაბუნია

დაბადების ადგილი: ქ. ფოთი.
დაამთავრა თბილისის ილია ჭავჭავაძის სახელობის უნივერსიტეტის ინგლისური ენისა და ლიტერატურის ფაკულტეტი 2003 წელს.
2003 წლიდან მისი რეცენზიები და თარგმანები ინგლისური და შვედური ენებიდან იბეჭდება სხვადასხვა ლიტერატურულ ჟურნალებში; ნათარგმნი აქვს სტრინდბერგის, იბსენის, შექსპირის, ასევე თანამედროვე დრამატურგების ნაწარმოებები; 2008 წელს დ. გაბუნიას პიესამ "ჩემი საქორწინო კაბა" გაიმარჯვა ფესტივალზე ARDIfest (სამეფო უბნის თეატრი); 2010 წელს გაიარა სტაჟირება ლონდონის ნაციონალურ თეატრში; მისი პიესები დადგმულია სამეფო უბნის, რუსთაველის, ფოთისა და ბათუმის თეატრებში; მისი პიესები "სხვისი შვილები" იდგმებოდა სამეფო უბნის თეატრში (რეჟისორი დათა თავაძე, 2008); "საპნის ოპუსი" - ბათუმის ილია ჭავჭავაძის სახელობის სახელმწიფო დრამატული თეატრში (რეჟისორი მიხეილ ჩარკვიანი, 2012); "ტროელი ქალები" - სამეფო უბნის თეატრში (რეჟისორი დათა თავაძე, 2013); "ბეჩავი" სამეფო უბნის თეატრში (რეჟისორი მიხეილ ჩარკვიანი, 2014); თარგმნილი და დადგმული პიესები: "ბრმა ფერი" - პენელოპა სკინერი, სამეფო უბნის თეატრი (რეჟისორი ნინი ჩაკვეტაძე, 2011), "კატცელმახერი" - რაინერ ვერნერ ფასბინდერი, სამეფო უბნის თეატრი (რეჟისორი მიხეილ ჩარკვიანი, 2012); "ფრეკენ ჟული" - აუგუსტ სტრინდბერგი, სამეფო უბნის თეატრი, (რეჟისორი დათა თავაძე, 2012), "ანტიგონე" - სოფოკლე, მუსკომედიის თეატრი (რეჟისორი პაატა ციკოლია, 2013), "მოჩვენებები" - ჰენრიკ იბსენი, მუსკომედიის თეატრი (რეჟისორი მიხეილ ჩარკვიანი, 2013), "დორიან გრეის პორტრეტი" - ოსკარ უაილდი, მუსკომედიის თეატრი (რეჟისორი ნინი ჩაკვეტაძე, 2014); მიღებული აქვს ჯილდოები: თუმანიშვილის ფონდის კონკურსის "ახალი ქართული პიესა - 2012" გამარჯვებული პიესისათვის "რამდენიმე დამამძიმებელი გარემოება" (2012); მარჯანიშვილის თეატრისა და გაეროს ქალთა ფონდის მიერ გამოცხადებული კონკურს-სემინარის - "ქალთა მიმართ ძალადობის წინააღმდეგ" პროექტის გამარჯვებული პიესისათვის "რამდენიმე დამამძიმებელი გარემოება" (2012); დამოუკიდებელი თეატრალური პრემია "დურუჯი" ნომინაციაში: "წლის საუკეთესო პიესა"; ბათუმის თეატრში დადგმული პიესისათვის "საპნის ოპუსი" (2012); დამოუკიდებელი თეატრალური პრემია "დურუჯი" ნომინაციაში: "წლის საუკეთესო პიესა" ფოთის თეატრში დადგმული პიესისათვის HOLLAND HOLLAND (2013).

წყარო: netgazeti.ge

• რომანი და პიესები / ავგუსტ სტრინდბერგი (მთარგმნელი). - თბილისი, ბაკურ სულაკაურის გამ-ბა, 2013. - 343გვ.. - ISBN: 978-9941-15-778-3
• პიესები (ავტორი). - თბილისი, დიოგენე, 2013. - 136გვ.. - ISBN: 978-9941-11-446-5
• სხვისი შვილები : კომედია: საპნის ოპუსი : პიესა (ავტორი). - თბილისი, სიესტა, 2010. - 120გვ.. - ISBN: 978-9941-414-48-0