კლიმენტი აჩელაშვილი

დაბადების ადგილი: სოფელი კოთელია, ახალქალაქის რაიონი.

დაამთავრა მ. ლომონოსოვის სახელობის მოსკოვის სახელმწიფო უნივერსიტეტის ეკონომიკის ფაკულტეტი ეკონომიკური კიბერნეტიკის სპეციალობით 1965 წელს.

1965-1968 წწ. იყო ნოვოსიბირსკის სახელმწიფო უნივერსიტეტის ასპირანტი; 1968-1975 წწ. მუშაობდა საბჭოთა კავშირის მეცნიერებათა აკადემიის ციმბირის განყოფილების ეკონომიკის ინსტიტუტის უმცროს მეცნიერ თანამშრომლად; 1975-1991 წწ. ივანე ჯავახიშვილის სახელობის თბილისის სახელმწიფო უნივერსიტეტის დოცენტად, 1991 წლიდან ამავე უნივერსიტეტის კათედრის გამგედ. ეკონომიკის მეცნიერებათა დოქტორი, პროფესორი.

წყარო: საქართველოს მეცნიერებისა და ტექნიკის დარგის სახელმწიფო პრემიის ლაურეატები 1993-2004 წწ. . -თბ., 2012.-გვ.188

• 2004 - საქართველოს სახელმწიფო პრემია, მეცნიერებისა და ტექნიკის დარგში (ერთობლივი გამარჯვება)
  ჰუმანიტარულ მეცნიერებათა დარგში შესრულებულ შრომათა ციკლისათვის - "მაკროეკონომიკური რეგულირების მეთოდები და მოდელები"
• 2003 - ღირსების ორდენი