ლავრენტი ჯანიაშვილი

დაბადების ადგილი: სოფელი კინოთი, ზესტაფონის რაიონი. 
დაამთავრა თბილისის ივანე ჯავახიშვილის სახელობის უნივერსიტეტის ისტორიის ფაკულტეტი 1990 წელს; საქართველოს მეცნიერებათა აკადემიის ივანე ჯავახიშვილის სახელობის ისტორიის და ეთნოლოგიის ინსტიტუტის ასპირანტურა 1993 წელს.

1994 წლიდან მუშაობს ისტორიის და ეთნოლოგიის ინსტიტუტში მეცნიერ თანამშრომლად; 2006 წლიდან არის მთავარი მეცნიერ-თანამშრომელი; 2007 წლიდან არის კავკასიის ხალხთა საერთაშორისო სამეცნიერო-კვლევითი ინსტიტუტის გამგეობის თავმჯდომარე; გამოქვეყნებული აქვს 60-ზე მეტი სამეცნიერო პუბლკიკაცია მათ შორის: "Traditional law in the Caucasus, local legal practices in the Georgian lowlands" ed. Stephane Voell, Curupira, (თანაავტორი, 2016), "სოციალური უსაფრთხოების ეთნიკური ასპექტები პოლიეთნიკურ საზოგადოებაში" (თანაავტორი, 2012). ისტორიის მეცნიერებათა კანდიდატი (1999); ისტორიის მეცნიერებათა დოქტორი (2006).

საკანდიდატო დისერტაციის თემა - "სამცხე-ჯავახეთის სომხური მოსახლეობის ყოფა და კულტურა", დაიცვა 1999 წელს; სადოქტორო დისერტაციის თემა - "სამხრეთ საქართველოდან დეპორტირებული მოსახლეობის ეთნოკულტურული და ეთნოსოციალური პრობლემები", დაიცვა 2006 წელს.

• ქართული ტრადიციული კულტურის ისტორია : ეთნოლოგიურ-ეთნოგრაფიული კვლევები (თანაავტორი). - თბილისი, Et cetera, 2017. - 288გვ.
• ოკუპირებული ახალგორის რაიონი და ქართულ-ოსური ურთიერთობის დინამიკა : მონოგრაფია (თანაავტორი). - თბილისი, ჯეოპრინტი, 2015. - 232გვ.
• ოსთა საკითხი ყაზბეგის რეგიონში : ქართულ-ოსური თანაცხოვრების პერსპექტივა ყაზბეგის რეგიონში (ავტორი). - თბილისი, მწიგნობარი, 2007. - 183გვ.
• 1944 წელს სამხრეთ საქართველოდან გასახლებულთა ეთნიკური ვინაობის საკითხისთვის (ავტორი). - თბილისი, ინტელექტი, 2006. - 52გვ.
• 1944 წელს სამხრეთ საქართველოდან გასახლებულთა ეთნოისტორიული პრობლემები : კულტურული იზოლაცია, ჯგუფთაშორის ურთიერთობათა თავისებურებანი და რეპატრიაციის პერსპექტივა (ავტორი). - თბილისი, ენა და კულტურა, 2006. - 153გვ.
• სომხები სამცხე-ჯავახეთში : აზერბაიჯანულენოვანი მოსახლეობის ჩამოსახლება ქვემო ქართლში (ავტორი). - თბილისი, 1995. - 40გვ.