
	English Georgian

The Biographical Dictionary of Georgia covers biographies of people who belong to history of Georgia, who are linked with Georgia, lived in or beyond it.

The dictionary is supported by the National Library of Georgia.

The project aims at publishing the biographies of outstanding Georgians. We hope that whole Georgia will be involved in filling this unique dictionary.

Follow on Facebook

Suggest a Biography

Correction

კოლაუ ჩერნიავსკი

Legal name:	ნიკოლოზ ჩერნიავსკი
Date of birth:	1892
Date of death:	1947 (at 55 years)
Category:	Critic, Translator, Writer, Poet

Biography

დაბადების ადგილი: აკერმანი, ბესარაბიის გუბერნია.

თბილისური ავანგარდის წარმომადგენელი. დაიბადა პოლონური წარმომავლობის სათავადაზნაურო ოჯახში. მამა, ანდრეი, 1904 წელს, ცოლის გარდაცვალების შემდეგ, სამი მცირეწლოვანი ვაჟიშვილით გადმოსახლდა თბილისში. 1912-1914წწ. იყო თბილისის გუბერნატორი. კვლავ დაქორწინდა და ცოლად შეირთო ალექსანდრე ყაზბეგის ბიძაშვილისშვილი, მომღერალი ოლგა დოლგოვა. 1917 წელს ილია და კირილე ზდანევიჩებთან, ლადო გუდიაშვილთან, ზიგა ვალიშევსკისთან, ყარადარვიშთან, ალექსეი კრუჩონიხთან ერთად, აყალიბებს ჯგუფს "ფუტურისტული სინდიკატი". კოლაუ ჩერნიავსკი 1918 წელს რუსულენოვან გაზეთ "რესპუბლიკაში" ("Республика", №145, 10 იანვარი) აქვეყნებს წერილს კირილე ზდანევიჩზე: "კ. ზდანევიჩის გამოფენა" (Выставка К. Зданевича). კოლაუ ჩერნიავსკი სწავლობდა თბილისში, ვაჟთა I გიმნაზიაში. სწავლა გააგრძელა ყაზანის უნივერსიტეტში. მისი ლექსები დაბეჭდილია 1917-1919წწ. "ფანტასტიკური სამიკიტნოს" მიერ გამოცემულ ცნობილ კრებულში "Софии Георгиевне Мельниковой", ძირითადი ნაწილი კი დაკარგულია. 1918-1920წწ. ზდანევიჩის მიერ დაფუძნებული ფუტურისტული ჯგუფის "41°"-ის აქტიური წევრი იყო. ამ რადიკალურ ავანგარდულ ჯგუფში ყოფილი "ფუტურისტული სინდიკატის" თითქმის ყველა წევრი გადმოვიდა. კოლაუ ჩერნიავსკი ზაუმის პოეტი იყო. სერიოზულად იყო დაინტერესებული ნიკო მარის ენის თეორიით, თარგმნის ტექნიკით, ისტორიული ქრონიკებით. ილია ზდანევიჩთან ერთად მუდმივად ეძებს ნიკო ფიროსმანაშვილის ნამუშევრებს, წერს ე.წ. "ორკესტრულ ლექსებს". 1926 წელს თბილისში გამოცემულ სამენოვან (ქართული, რუსული, ფრანგული) წიგნში "ნიკო ფიროსმანაშვილი", იბეჭდება მისი ფრანგულენოვანი ტექსტი. "ფანტასტიკური სამიკიტნოს" საღამოების მუდმივი თანამონაწილე, ექსპერიმენტატორი ავანგარდისტი პოეტი, არაჩვეულებრივად ერკვეოდა ხელოვნებაში, უყვარდა ფიროსმანაშვილი (აღმოჩენილი აქვს მისი რამდენიმე ნამუშევარი; თავისთვის ქმნიდა მისი ნამუშევრების კატალოგს). იყო საინტერესო კრიტიკოსი და მშვენიერი მთარგმნელი. რუსულად თარგმნა დემნა შენგელაიას "სანავარდო", ნიკოლო მიწიშვილის "ეპოპეა", რაჟდენ გვეტაძის ნოველები, ტიციან ტაბიძის "როალდ ამუნდსენ", მიხეილ ჯავახიშვილის "ლამბალო და ყაშა", სიმონ ჩიქოვანის ლექსები; სომხურიდან რუსულად თარგმნა ფუტურისტი ყარადარვიშის ლექსები და სხვ. წერდა სტატიებს და აქვეყნებდა სხვადასხვა გაზეთებსა და ჟურნალებში.

წყარო: საქართველოს დემოკრატიული რესპუბლიკა (1918-1921): ენციკლოპედია -ლექსიკონი. -თბ., 2018.-გვ.494

Bibliography

ნიკო ფიროსმანიშვილი = Нико Пиросманишвили = Nico Pirosmanichvily : ალბომი( რეპრესირებული გამოცემა) (Author). - ტფილისი, საქართველოს სახელმწიფო გამომცემლობა ("ზარია ვოსტოკა"-ს სტამბა), 1926. - 203გვ.