დავით მღებრიშვილი

დაამთავრა შოთა რუსთაველის სახელობის თეატრისა და კინოს სახელმწიფო ინსტიტუტი, დრამის რეჟისურის ფაკულტეტი (მიხეილ თუმანიშვილის სახელოსნო) 1995 წელს; ამავე ინსტიტუტის ასპირანტურა (ხელმძღვანელი მიხეილ თუმანიშვილი) 1997 წელს; კინოსა და ტელევიზიის რეჟისურის ფაკულტეტი (გიორგი შენგელაიას სახელოსნო) 1999 წელს.

2002-2004 სასწავლო წლებში მუშაობს თეატრისა და კინოს უნივერსიტეტში სამსახიობო ჯგუფის ხელმძღვანელის ასისტენტად; 2007-2009 წწ. მუშაობდა თელავის სახელმწიფო დრამატრული თეატრის მმართველად და სამხატვრო ხელმძღვანელად; 2010 წლიდან საქართველოს შოთა რუსთაველის სახელობის თეატრისა და კინოს სახელმწიფო უნოვერსიტეტში, სამსახიობო ჯგუფის ხელმძღვანელის ასისტენტად; 2013-2018 წწ. ფოთის ვალერიან გუნიას სახელობის სახელმწიფო პროფესიული თეატრის ხელმძღვანელად. მის მიერ განხორციელებული დადგმები: "დათვი" (ა. ჩეხოვი, თეატრალური ინსტიტუტი, 1992); "მარიანას კაპრიზები" (ა. მიუსსე, თეატრალური ინსტიტუტი, 1993); "ეს თავისუფალი პეპლები" (ლ. გერში, რუსთაველის თეატრი, 1995); "ზაფხულის ღამის სიზმარი" (უ. შექსპირი, "აიეტის" სამედიცინო ინსტიტუტი, 1997); "მისტიფიკატორი" (ი. გარუჩავა პ. ხოტიანოვსკი, გრიბოედოვის თეატრი, 2000); "მარიამ სტიუარტი" (ლ. რაზუმოვსკაია, ქუთაისის სახელმწიფო თეატრი, 2002); "თვითმკვლელი" (ნ. ერდმანი, გრიბოედოვის თეატრი, 2004); "ჩემი მეგობარი ჰიტლერი" (ი. მისიმა, სამეფო უბნის თეატრი, 2006); "ხანუმა" (ა. ცაგარელი, თელავის სახელმწიფო თეატრი, 2007);"თეატრი" (ლ. ბუღაძე, თელავის სახელმწიფო თეატრი, 2008); "ვარსკვლავბიჭუნა" (ო. უალდი, რუსთაველის სახელმწიფო თეატრი, რობერტ სტურუასთან ერთად 2009); "თეატრი" (ლ. ბუღაძე, ჭიათურის სახელმწიფო თეატრი, 2010); "ყვითელი დღეები" (დ. ჯანჯიჩი, ფოთის სახელმწიფო თეატრი, 2011); "აღსარება" (გ. წიკლაური, ფოთის სახელმწიფო თეატრი, 2012); "რომეო და ჯულიეტა" (უ. შექსპირი, თბილისის მუსიკისა და დრამის თეატრი, 2012) და სხვ. 

წყარო: ფოთის თეატრის ვებ-გვერდი: potitheatre.com