თამაზ შაბურიშვილი

დაბადების ადგილი: ქ. თბილისი.

დაამთავრა თბილისის სახელმწიფო სამედიცინო ინსტიტუტის სამკურნალო ფაკულტეტი 1987 წელს.

1987-1989წწ. - ექიმთა დახელოვნების ინსტიტუტის კარდიოლოგიის კათედრის კლინიკური ორდინატორი; 1989-1994წწ. - თბილისის N1 კლინიკური საავადმყოფოს კარდიოლოგიური განყოფილების ინტენსიური ბლოკის ექიმი; 1994-1997წწ. - N2 საავადმყოფოს დიაგნოსტიკური განყოფილების გამგე; 1993 წელს მიენიჭა დოცენტის, ხოლო 2003 წელს პროფესორის წოდება. 1994  წლიდან - თბილისის გულის და სისხლძარღვთა კლინიკის ხელმძღვანელი. სამეცნიერო ინტერესის სფეროები: ინტერვენციული კარდიოლოგია, ელექტროფიზიოლოგია, მინიინვაზიური კარდიოქირურგია. 90 სამეცნიერო პუბლიკაციის და 5 მონოგრაფიის ავტორი, ასევე ავტორია ორი სახელმძღვანელოსი - ელექტროკარდიოგრაფია და ინტერვენციული კარდიოლოგია. ექიმი კარდიოლოგი, მედიცინის მეცნიერებათა დოქტორი (1997), პროფესორი (2003).

საკანდიდატო დისერტაციის თემა - "წინაგულთა ელექტროფიზიოლოგია და კინილენტინის, კორდარონის, ეტაციგინის, ოგზიდანის, დელაგილის მოქმედება მოციმციმე არიტმიის პაროქსიგმების მქონე ავადმყოფებში", დაიცვა 1991 წელს; სადოქტორო დისერტაციის თემა - "მიოკარდიუმის კუმშვადი ფუნქციის შეფასება გულის შეგუბებითი უკმარისობის დროს მკურნალობის შერჩევისა და გამოსავლის პროგნოზირებისათვის", დაიცვა 1997 წელს.

წყარო: ვინ ვინ არის საქართველოში: ქართული ბიოგრაფიული ცნობარი. –  თბ., 2006.-გვ.492; საქართველოს მეცნიერებათა დოქტორები, 1992-2006/შემდგ. და რედ.: ირინა ჯაფარიძე. -თბ., 2012. -გვ.376; ილიას სახელმწიფო უნივერსიტეტი: faculty.iliauni.edu.ge

• კარდიოლოგიის ასოციაცია, გამგეობის წევრი

• 2012 - ღირსების ორდენი

• კორონარული ინტერვენციული კარდიოლოგია : სახელმძღვ. სამედ. უნ-ტის სტუდენტებისათვის, რეზიდენტებისათვის (Co-Author). - თბილისი, თბილ. გულის და სისხლძარღვთა კლინიკის გამ-ბა, 2010. - 384გვ.. - ISBN: 9789941021800
• ინვაზიური და არაინვაზიური მანიპულაციების ტექნიკა ინტენსიური ბლოკის ექიმებისთვის (Co-Author). - თბილისი, 1995. - 64გვ.