ჯუმბერ იოსებიძე

დაბადების ადგილი: ქ. გორი.

დაამთავრა საქართველოს პოლიტექნიკური ინსტიტუტის მექანიკა-მანქანათმშენებლობის ფაკულტეტი შიგაწვის ძრავების სპეციალობით 1961 წელს.

1961-1963 წწ. იყო საქართველოს პოლიტექნიკური ინსტიტუტის ავტომობილებისა და ტრაქტორების კათედრის ასპირანტი, 1966-1969 წწ. ამავე კათედრის ასისტენტი; 1972-1977 წწ. შიგაწვის ძრავების კათედრის დოცენტი; 1977-1981 წწ. ამავე კათედრის გამგე; 1981-1985 წწ. შიგაწვის ძრავებისა და საწვავ-საცხი მასალების კათედრის გამგე; 1985-1990 წწ. ავტომობილების, შიგაწვის ძრავებისა და საწვავ-საცხი მასალების კათედრის გამგე, 1990-1998 წწ. საქართველოს ტექნიკური უნივერსიტეტის ავტომობილების, შიგაწვის ძრავებისა და საწვავ-საცხი მასალების კათედრის გამგე, 1998 წლიდან - ამავე უნივერსიტეტის საავტომობილო ტრანსპორტის კათედრის გამგე.  მიღებული აქვს საბჭოთა კავშირის სახალხო მეურნეობის მიღწევათა გამოფენლს (ВДНХ) ოქროს მედალი (1985), წლის საუკეთესო ინჟინრის წოდება (2004). ტექნიკის მეცნიერებათა დოქტორი, პროფესორი.

წყარო: საქართველოს მეცნიერებისა და ტექნიკის დარგის სახელმწიფო პრემიის ლაურეატები 1993-2004 წწ. . -თბ., 2012.-გვ.197; საქართველოს ტექნიკური უნივერსიტეტის ვებგვერდი: gtu.ge; წიგნი ღირსებისა: ტ. 3/ შემდგ.: თამაზ ყიფიანი (რედ.), თენგიზ გაჩეჩილაძე, გურამ სიმონიშვილი.- თბ., 2001. - გვ.111

• საერთაშორისო საინჟინრო აკადემია, წევრი
• საქართველოს საინჟინრო აკადემია, წევრი

• 2004 - საქართველოს სახელმწიფო პრემია, მეცნიერებისა და ტექნიკის დარგში (ერთობლივი გამარჯვება)
  2000 წელს რუსულ ენაზე გამოცემული მონოგრაფიისათვის - "ავტომობილების ხანგამძლეობის, ეკონომიურობისა და ეკოლოგიურობის ამაღლება ახალი თაობის ზეთების დამუშავებითა და გამოყენებით''
• 2003 - ღირსების ორდენი
• 1998 - ღირსების მედალი
  საქართველოში ტექნიკური მეცნიერების განვითარებისა და მაღალკვალიფიციური კადრების აღზრდის საქმეში შეტანილი თვალსაჩინო პირადი წვლილისათვის