მელქო აჯიმამუდაშვილი

წარმოშობით სომეხი, ღარიბი დედ-მამის შვილი თელავიდან. სწავლა-განათლება არ მიუღია, ქართულად წერა-კითხვა თავისით შეისწავლა. იცოდა სომხურიც, მაგრამ სრულყოფილად ლაპარაკი ამ ენაზე არ ეხერხებოდა. თელავში, თვეში ორი წარმოდგენის გასამართავად, ადგილობრივი ძალითა და თბილისიდან საგანგებოდ მოწვეულ საუკეთესო მსახიობთა მონაწილეობით სცენისმოყვარეთა ამხანაგობა დააარსა. ამ წარმოდგენებიდან წელიწადში ოთხი საქველოქმედო წარმოდგენა (წიგნთსაცავ-სამკითხველოს, სკოლის სასარგებლოდ) იმართებოდა. მისი თაოსნობით თელავისა და მისი მაზრის სოფლების სცენაზე ხშირად გამოდიოდნენ ცნობილი მსახიობები და თავისი მონაწილეობით ხალხს სათეატრო კულტურას აყვარებდნენ. არ იყო არცერთი საზოგადო საქმე, მელქო აჯიმამუდოვს მონაწილეობა რომ არ მიეღოს - ხშირად ამა თუ იმ საქმეს მეთაურობდა კიდეც. საზოგადო - სასცენო მოღვაწე. 

წყარო: ქართველ მოღვაწეთა ლექსიკონი:1801-1952: ტ.I .-თბ.,2018.-გვ.257