ივანე ბაბალაშვილი

დაბადების ადგილი: ქ. გორი.

დაამთავრა გორის სამაზრო სამკლასიანი სასწავლებელი.

თბილისსა და სხვა ქალაქებში მსახურობდა ნოქრად. იყო საფრანგეთსა და ბელგიაში. სამშობლოში დაბრუნების შემდეგ ჯერ უბნის უფროსად მუშაობდა, შემდეგ ბოქაულად. 1905 წლის რევოლუციის შემდეგ, რეაქციის დაწყებისას, კაზაკების მიერ თბილისის ქართული გიმნაზიის დირექტორის, შიო ჩიტაძის  მოკვლის და გიმნაზიის ცეცხლის წაკიდების დროს, ბოქაულმა ივანე ბაბალაშვილმა გიმნაზიის სხვა  მასწავლებლები და მთელი გიმნაზია წიგნთსაცავითურთ გადაბუგვას გადაარჩინა, რის გამოც სამსახურიდან დაითხოვეს, როგორც რევოლუციონერთა მომხრე. დაწერა "კარტოჟნიკი", "მამის სიყვარული", "რევოლუცია", "ტანჯვა" (დრამა 3 მოქმედებად), "ჩემი სიზმარი" და სხვ. ბოლო ხანებში თავის სარჩენად საბეჭდი კანტორა გახსნა. ბელეტრისტი.

წყარო: ქართველ მოღვაწეთა ლექსიკონი:1801-1952: ტ.I/იოსებ იმედაშვილი -თბ.,2018.-გვ.261

• ღვთის სამართალი : მოთხრობა (ავტორი). - ტფილისი, სტ. "პროგრესი" ლ. პოღოსოვისა, 1921. - 67გვ.