მირიან ბასილია

დაბადების ადგილი: სოფელი ინტაბუეთი (ჩოხატაურის რაიონი).

იყო სოციალ - რევოლუციონერების (ესერების) პარტიის წევრი; 1904 წლის შემოდგომაზე ჭიათურასა და მის რაიონში დააარსა სოციალ-რევოლუციური ორგანიზაცია, რომლის აქტიური წევრები იყვნენ: ილ. აბაშიძე, ის. ვარაზაშვილი, გ. ჭუმბურიძე და სხვ. მ. ბასილია გახდა სტალინური რეპრესიების მსხვერპლი. სსრკ-ს უზენაესი სასამართლოს სამხედრო კოლეგიის 4/6-1955 წლის № 4н-02445 ბრძანების საფუძველზე დანაშაულის ნიშნების არარსებობის გამო იქნა რეაბილიტირებული.

წყარო: ქართველ მოღვაწეთა ლექსიკონი:1801-1952: ტ.I./იოსებ იმედაშვილი -თბ.,2018.-გვ.316; საქართველოს პარლამენტის ეროვნული ბიბლიოთეკის ვებ-გვერდი: nplg.gov.ge