რომან ბაგრატიონი

რომან ივანეს ძე ბაგრატიონი მოღვაწეობდა XVIII-XIX სს. მის სახლში იმართებოდა საკონცერტო-საცეკვაო საღამოები; აქვე, 1832 წლის 21 იანვარს დაიდგა რამდენიმე პიესა, მათ შორის, მ. გომოზოვის "მეცხრამეტე საუკუნის ქართველები", ალ. გრიბოედოვის "ვაი, ჭკუისაგან!" (ნაწყვეტები), რის შესახებ სოლომონ დოდაშვილი გაზეთ "სალიტერატურო ნაწილნი თბილისის უწყებათანი" (1832, №2) წერდა: "საკურველად წარმოადგინეს, მერწმუნეთ, უკეთესად არღა შეიძლებოდა". ნატალია დიმიტროვნას როლი შეასრულა სოფიო ივანე ორბელიანის ასულმა, ხლესტოვა - მარიამ ივანე ორბელიანის ასულმა, ხოლო სკალოზუბი - რომან ალექსანდრეს ძე ბაგრატიონმა. სცენისმოყვარე, თეატრალი.

წყარო: ქართველ მოღვაწეთა ლექსიკონი:1801-1952: ტ.I ./იოსებ იმედაშვილი -თბ.,2018.-გვ.279