გრიგოლ ბარამიძე

დაბადების ადგილი: სოფელი ჯუნჯუათი, ლანჩხუთის რაიონი.

დაამთავრა ლანჩხუთის პირველდაწყებითი სასწავლებელი 1920 წელს; ხაშურის ჰუმანიტარული ტექნიკუმი 1924 წელს, თბილისის სახელმწიფო უნივერსიტეტის პედაგოგიური ფაკულტეტი ენისა და ლიტერატურის სპეციალობით 1928 წელს.

1924-1925 წწ. მუშაობდა ასურეთის რაიონის სოფელ ბორბალოს ოთხწლიან სკოლაში; 1925-1927 წწ. სოფელ წავკისში; 1928-1930 წწ. საგარეჯოს ათწლედში; 1930 წელს - თბილისის საფინანსო-ეკონომიკურ ტექნიკუმში; 1932 წლიდან უმაღლეს საფინანსო სკოლაში (აქვე 1933-1936 წწ. იყო ენების კათედრის გამგე), შემდეგ - დაუსწრებელ საფინანსო ინსტიტუტში ("ივზინო") და თბილისის მე-4 სკოლაში; იყო დაწყებითი და საშუალო სკოლების სამეცნიერო-კვლევითი ინსტიტუტის უმცროსი მეცნიერ-მუშაკი ლიტერატურის მეთოდიკის დარგში; 1945 წლიდან ხელმძღვანელობდა საქართველოს სსრ განათლების სამინისტროს სასწავლო-მეთოდურ განყოფილებას; პერიოდულ გამოცემებში გამოქვეყნებული აქვს წერილები ლიტერატურის სწავლების მეთოდების საკითხებზე, იყო რამდენიმე წიგნის რედაქტორი. 

წყარო: ქართველ მოღვაწეთა ლექსიკონი:1801-1952: ტ.I ./იოსებ იმედაშვილი -თბ.,2018.-გვ.307

• სამკერდე ნიშანი "სახალხო განათლების წარჩინებული"
• მედალი "1941-1945 წლებში დიდ სამამულო ომში მამაცური შრომისთვის"
• საპატიო ნიშნის ორდენი

• მშობლიური ლიტერატურა : მე-5 კლასის სახელმძღვ. (ავტორი). - თბილისი, განათლება, 1980. - 158გვ.
• ძველი ქართული ლიტერატურა : მე-8 კლ. სახელმძღვ. (ავტორი). - თბილისი, განათლება, 1975. - 291გვ.
• ძველი ქართული ლიტერატურა : მე-8 კლასის სახელმძღვ. (ავტორი). - თბილისი, განათლება, 1972. - 285გვ.
• მშობლიური ლიტერატურა : მე-6 კლასის სახელმძღვანელო (ავტორი). - თბილისი, განათლება, 1971. - 216გვ.