ვალერიანი გელაშვილი

დაამთავრა საქართველოს პოლიტექნიკური ინსტიტუტი 1961 წელს.

1955-1959 წწ. მუშაობდა რკინიგზის თბილისის უბნის ენერგომომარაგების ელექტრიკოსად, ორთქმავალ-ვაგონშმკეთებელი ქარხნის ზეინკლად; ელექტროტექნიკურ ამოცანათა წარმატებით ამოხსნისთვის 1955 წელს მიენიჭა საკავშირო ოლიმპიადის ლაურეატის წოდება და მესამე პრემია; 1959-1963 წწ. თბილისის საქალაქო ტრანსპორტის მთავარი სამმართველოს უფროს ელექტრიკოსად, 1961 წლიდან, ამ სამმართველოს მთავარ ენერგეტიკოსად; 1963 წლიდან  ქარხანა "მიკროძრავის" ტექნიკური განყოფილების უფროსად, სადაც მიიღო უშუალო მონაწილეობა პირველი მცირე სიმძლავრის მიკროელექტრო ძრავების კონსტრუქციების შექმნასა და წარმოების სამრეწველო ათვისებაში; მისი პირველი სამეცნოერო ნაშრომები მცირე სიმძლავრის მიკროელექტრო ძრავების კონსტრუქციების სრულყოფის საკითხებს მიეძღვნა; 1966-1969 წწ. საქართველოს სოფლის მეურნეობის მექანიზაციისა და ელექტროფიკაციის სამეცნიერო კვლევითი ინსტიტუტის ასპირანტია; 1969-1971 წწ. ამავე ინსტიტუტის ჯერ უმცროსი, ხოლო შემდგომში კი უფროსი მეცნიერ მუშაკია; 1972-1978 წწ. იმყოფებოდა პარტიულ სამუშაოზე: მუშაობდა საქართველოს კომპარტიის თბილისის საქალაქო კომიტეტის მრეწველობისა და ტრანსპორტის განყოფილების ინსტრუქტორად, საქართველოს კომპარტიის ცენტრალური კომიტეტის მრეწველობის, ტრანსპორტისა და კავშირგაბმულობის განყოფილების ინსტრუქტორად; 1974 წერლს არჩეულ იქნა თბილისის პარტიის 26 კომისრის რაიკომის პირველ მდივნად; 1978-1984 წწ. ეწევა სამეცნიერო სამუშაოს: ელექტრონულ-იონური ტექნოლოგიის სამეცნიერო კვლევით ინსტიტუტში, როგორც დირექტორის მოადგილე სამეცნიერო ნაწილში ხელმძღვანელობს ზემაღალი ძაბვის დენის წყაროების შექმნის მეცნიერულ მიმართულებებს; 1983 წლიდან მიენიჭა უფროსი მეცნიერ მუშაკის სამეცნიერო წოდებ; 1984 წლის დეკემბრიდან გადაყვანილი იქნა თბილისის სამსხმელო მოწყობილობების ქარხნის დირექტორად და მისი ძალისხმევით ამ ქარხნის ბაზაზე აშენდა საკავშირო მასშტაბით ერთადერთი უნიკალური რობოტებისა და სამრეწველო მანიპულატორების მწარმოებელი ქარხანა; სხვადასხვა წლებში იყო არჩეული თბილისის 26 კომისრის (ისნის), ოქტომბრის (ჩუღურეთის) რაიონული და საქართველოს უმაღლესი საბჭოს დეპუტატად; 1989 წელს დატოვა კომპოარტიის რიგები და აქტიურად ჩაება ეროვნულ მოძრაობაში. გამოქვეყნებული აქვს 168 მეცნიერული ნაშრომი მათ შორის 2 მონოგრაფია და 12 გამოგონება. ტქნიკურ მეცნიერებათა კანდიდატი (1971), ტექნიკურ მეცნიერებათა დოქტორი (1989), პერსონალური პენსიონერი (1988). ენერგეტიკოსი.

• საქართველოს გელაშვილთა საგვარეულო საზოგადოება "გელათი", დამფუძნებელი (1994-)
• საქართველოს სახალხო ფრონტი, წევრი (1989-)
• სსრ კავშირის მეცნიერებისა და ტექნიკის სახელმწიფო კომიტეტის სამეცნიერო სექცია "ელექტრო-იონური ტექნოლოგია სოფლის მეურნეობაში", წევრი (1982-)