გიორგი ბახტაძე

დაბადების ადგილი: ქ. ხონი.

სწავლობდა ხონის პროგიმნაზიაში (1909-1918), სერპუხოვში (19013-1917), 1919 წელს ისევ ხონის გიმნაზიაში და თბილისის პოლიტექნიკურ სასწავლებელში. სასცენო განათლება თბილისის დრამატულ სტუდიაში მიიღო, ასევე - მოსკოვის ქართულ სტუდიაში და უმაღლეს თეატრალურ სკოლაში მეიერხოლდთან.

პირველად, როგორც სცენისმოყვარული 1917 წელს გამოვიდა სერპუხოვის სცენაზე, შემდეგ იყო სამტრედიის (მ. ჭიაურელის ხელმძღვანელობით, შტრინგერი "სულელი", 1920) რუსთაველის (1920-1923), მოსკოვის ქართული თეატრისა (1923-1924), მეირხოლდის თეატრის (1924-1927) მსახიობი. 1927 წელს, როგორც მთავარმა რეჟისორმა და გამგეობის წევრმა მონაწილეობა მიიღო ქართული მინიატურების თეატრის დაარსებაში - თეატრი 30 ნოემბერს გაიხსნა. გიორგი ბახტაძე მუშაობდა მუშათა კლუბების გამგე-ინსრუქტორად, მათემატიკისა და რუსული ენის მსაწავლებლად.

წყარო: ქართველ მოღვაწეთა ლექსიკონი:1801-1952: ტ.I ./იოსებ იმედაშვილი -თბ.,2018.-გვ.332

• ხელოვნების მუშაკთა კავშირი, წევრი (1920-)