სერგეი ფანჩულიძე

დაბადების ადგილი: ქ. პენზა, რუსეთის იმპერია.

1874 წელს მიანიჭეს კორნეტის წოდება კავალერგარდის პოლკში. 1874-1875წწ. იყო სასწავლო ნაწილის უფროსის ასისტენტი. რუსეთ-თურქეთის ომში, 1877-1878წწ. მსახურობდა ლეიბ-გვარდიის გუსართა პოლკში. მონაწილეობდა ბრძოლებში. 1878 წელს ჩააბარა გენერალური შტაბის აკადემიაში. 1881 წელს მიანიჭეს შტაბს-როტმისტრის წოდება. აკადემიის დასრულების შემდეგ უარი თქვა გენერალურ შტაბში დარჩენაზე და დაბრუნდა პოლკში, სადაც 1881-1883წწ. პოლკის სასამართლოს საქმეთა მმართველად მხახურობდა. 1882 წლიდან იყო სასწავლო ნაწილის უფროსი. 1884 წელს გადადგა სამსახურიდან როტმისტრის წოდებით. 1884-1892წწ. იყო მაზრისა და გუბერნიის დუმის წევრი, სარატოვის მაზრის საერობო სანიტარული საბჭოს თავმჯდომარე, საპატიო სახალხო მოსამართლე, 1887 წლიდან სარატოვის გუბერნიის სარევიზიო კომისიის თავმჯდომარე; 1891-1892წწ. სარატოვის მაზრის თავადაზნაურობის წინამძღოლი; 1899 წლიდან ჩარიცხეს საიმპერატორო კარის სამინისტროში; 1903 წელს დაინიშნა სახელმწიფო საბჭოს არქივის მმართველად; 1906 წელს აირჩიეს სარატოვის მაზრისა და გუბერნიის დუმის წევრად. იყო რუსეთის საიმპერატორო სამხედო-ისტორიული საზოგადოების, მოსკოვის არქეოლოგიური ინსტიტუტის და სარატოვისა და ტამბოვის საარქივო კომისიების წევრი. სამხედრო ისტორიკოსი და არქივარიუსი, რუსეთ-თურქეთის ომის მონაწილე, სარატოვის გუბერნატორის ალექსი ფანჩულიძის შვილიშვილი.

წყარო: Сергей Алексеевич Панчулидзев//Сборник биографий кавалергаров: в 4 томах/ Под ред. С.А. Панчулидзева. — СПб.: ЭЗГБ, 1908. — т. 4 (1826—1908). — стр. 300