სიენი (მეფე)

ისტორიული საქართველოს სამხრეთ-დასავლეთ რეგიონში მდებარე დიდი ადრინდელი კლასობრივი გაერთიანების დიაუხი-დაიაენის (ტაოხი, ტაო) მეფე დაახლოებით ძვ.წ. 1120-1100 წლებში. სათავეში ედგა ტომთა დიდ კოალიციას, რომელიც ძვ. წ. 1112 წელს შეებრძოლა ნაირის მხარეში შეჭრილ ასურეთის ლაშქარს. სიენი დამარცხდა, ასურეთის მეფემ ტიგლათფილესერ I-მა იგი ტყვედ ჩაიგდო, წაიყვანა ქალაქ ასურში და მორჩილების აღიარების შემდეგ გამოუშვა თავის ქვეყანაში. სიენის შესახებ საუბარია თვით ტიგლათფილესერის წარწერაში.

წყარო: ქართული საბჭოთა ენციკლოპედია: ტ.9.-თბ., 1985.-გვ.327