ნათელა წიკლაშვილი

დაბადების ადგილი: ქ. წნორი, სიღნაღის მუნიციპალიტეტი.

დაამთავრა თბილისის სახელმწიფო უნივერსიტეტის ეკონომიკის ფაკულტეტი 1985 წელს, ასპირანტურა 1989 წელს.

1989-1992წწ. იყო სახალხო მეურნეობის ეკონომიკის, დაგეგმვისა და მართვის სამეცნიერო კვლევითი ინსტიტუტის აჭარის ა/რ ეკონომიკური და სოციალური პრობლემების კვლევის განყოფილების მეცნიერ თანამშრომელი (სმედმსი); 1992-2000წწ. ბათუმის სახელმწიფო უნივერსიტეტის ეკონომიკური თეორიის კათედრის მასწავლებელი; 2000-2005წწ. ეკონომიკური თეორიის კათედრის გამგე; 2004 წლიდან ეკონომიკის ფაკულტეტის დოცენტი; 2004-2005წწ. ეკონომიკის ფაკულტეტის დეკანი; 2005-2006წწ. აჭარის ა/რ ფინანსთა და ეკონომიკის მინისტრის პირველი მოადგილე; 2006-2008წწ. აჭარის ა/რ ფინანსთა და ეკონომიკის მინისტრი; 2006-2013წწ. ასოცირებული პროფესორი; 2011 წლიდან რექტორის მოადგილე სამეცნიერო დარგში. არის 15 სამეცნიერო ნაშრომის ავტორი, მის სამეცნიერო ინტერესების სფეროს წარმოადგენს: მიკრო და მაკრო ეკონომიკა, ეკონომიკური პოლიტიკა, პერსონალის მართვა. ეკონომიკის მეცნიერებათა კანდიდატი, დოცენტი, პროფესორი (2013).

საკანდიდატო დისერტაციის თემა - "შრომის ბაზრის ფორმირება და დასაქმების თავისებურებები საქართველოში", დაიცვა 2002 წელს.

წყარო: ვინ ვინ არის საქართველოში: ქართული ბიოგრაფიული ცნობარი. –  თბ., 2006.-გვ.553; ბათუმის შოთა რუსთაველის სახელმწიფო უნივერსიტეტის ვებ-გვერდი: bsu.edu.ge

• ეკონომიკური დოქტრინები = Economic doctrines : სახელმძღვანელო (რედაქტორი). - ბათუმი, შოთა რუსთაველის უნ-ტის გამ-ბ, 2018. - 590გვ.. - ISBN: 9789941462627
• შრომის ბაზრის განვითარების პრობლემები საქართველოში (ავტორი). - ბათუმი, შოთა რუსთაველის უნ-ტის გამ-ბა, 2009. - 64გვ.. - ISBN: 978-9941-0-1548-9