ილია ჭიღლაძე (დეკანოზი)

დაბადების ადგილი: ქ. გორი.

დაამთავრა ივანე ჯავახიშვილის სახელობის თბილისის სახელმწიფო უნივერსიტეტის იურიდიულ ფაკულტეტი მაგისტრთან გათანაბრებული დიპლომირებული სამართალმცოდნის კვალიფიკაციით 2006 წელს; თბილიის სასულიერო აკადემიის ღვთისმეტყველების ფაკულტეტი; ივანე ჯავახიშვილის სახელობის თბილისის სახელმწიფო უნივერსიტეტის ისტორიის დოქტორანტურა; იყო კომპანია "ემიგრანტის" წმ. ექვთიმე ღვთისკაცის სახელობის სტიპენდიის მფლობელი.

2010  წლიდან დაინიშნა იოანე ბოლნელის სახელობის ბოლნისის სასულიერო გიმნაზიის ისტორიის და საღვთო სჯულის მასწავლებელად; სრულიად საქართველოს კათოლიკოს-პატრიარქ ილია მეორის ლოცვა-კურთხევით ბოლნელი ეპისკოპოსის ეფრემის (გამრეკელიძე) მიერ 2011 წლის 21 ნოემბერს ხელდასხმულია დიაკვნად, და ეწოდა სახელი ილია, წმ. ილია წინასწარმეტყველის პატივად, ხოლო 2012 წლის 29 ივლისს ხელდასხმულ იქნა მღვდლად; დადგინდა ქ. ბოლნისის ღვთისმშობლის შობის ტაძრის მეორე მღვდლად და ბოლნისის სასულიერო გიმნაზიის მოძღვრად; 2014 წლის 28 სექტებრიდან გადაყვანილია მარნეულისა და ჰუჯაბის ეპარქიის ქ. მარნეულის წმ. დავით აღმაშენებლის სახ. საკათედრო ტაძრის წინამძღვრის, ეპისკოპოსის მოადგილედ და ეპარქიის მთავარხუცესად; 2015 წლის 1 ნოემბერს ამ ეპარქიის ეპისკოპოს გიორგის (ჯამდელიანი) წარდგინების საფუძველზე სრულიად საქართველოს კათოლიკოს-პატრიარქ ილია II-ის მიერ ეკლესიაში ერთგული მსახურებისათვის იგი დაჯილდოვდა დეკანოზის წოდებით, გამშვენებული ჯვრისა და მიტრის ტარების პატივით; 2014-2017 წწ. იყო გიორგი მთაწმინდელის სახელობის საეკლესიო გალობის უმაღლესი სასწავლებლის ლიტურგიკის პედაგოგი, ასოცირებული პროფესორი; 2016 წლის ოქტომბრიდან მსახურობს საქართველოს საპატრიარქოს დიდი ბრიტანეთისა და ირლანდიის ეპარქიაში, მანჩესტერის, ბირმინგემის და გლაზგოს ქართული სამრევლოების წინამძღვრად; ეწევა აქტიურ პუბლიცისტურ საქმიანობას, გამოქვეყნებული აქვს სამეცნიერო და საგანმანათლებლო-პოპულარული სტატიები.

წყარო: წმინდა პავლე მოციქულის სახელობის მართლმადიდებლური ღვთისმეტყველების ცენტრის ვებ-გვერდი: orthodoxtheology.ge

• უკრაინის საეკლესიო წარსულის და ავტოკეფალისტური მოძრაობის მოკლე ისტორიული მიმოხილვა (ავტორი) // სულხან-საბა ორბელიანის უნივერსიტეტის თეოლოგიის ფაკულტეტის სამეცნიერო კონფერენციის მოხსენებათა კრებული. - თბილისი, 2019
• სამღვდელმთავრო ბისონის (საკოსის) და მიტრის დამკვიდრების ისტორია საქართველოს ეკლესიაში (ავტორი) // ქრისტიანულ-არქეოლოგიური ძიებანი, პერიოდული სამეცნიერო კრებული. - 2019
• საქართველოს მართლმადიდებელი ეკლესია და ე.წ. "ახალი სტილი" (შესწორებული იულიუსის კალენდარი) (ავტორი) // წმ. პავლე მოციქულის სახ. მართლმადიდებლური ღვთისმეტყვლების ცენტრის ვებ-გვერდი. - 2019
• მიმოხილვა მიტროპოლიტისა და მთავარეპისკოპოსის წოდებების შესახებ მსოფლიო მართლმადიდებელ ეკლესიაში და ამ წოდებების ისტორია საქართველოს ეკლესიაში (ავტორი) // "გული გონიერი", რელიგიურ-საგანმანათლებლო ჟურნალი, N 23. - თბილისი, 2019
• ალავერდელ მიტროპოლიტთა მიერ გვირგვინის (მიტრის) ტარების ისტორია და მათი ოქროს გვირგვინი (ავტორი) // "ჯვარი ვაზისა", საქართველოს საპატრიარქოს ჟურნალი, N 1. - 2016
• წმ. ილია ჭავჭავაძის "განდეგილის" საღვთისმეტყველო-ლიტერატურული წყაროს ძიება და ანალიზი, კრებული: მესამე საერთაშორისო კონფერენცია "მეცნიერება და რელიგია" (ავტორი) // მოხსენებები, კრებული მომზადდა და გამოიცა შოთა რუსთაველის ეროვნული სამეცნიერო ფონდის დაფინანსებით. - თბილისი, 2014
• წმინდანები და მათი კანონიზაცია (ავტორი) // თბილისის სასულიერო აკადემიის, სემინარიის და საღვთისმეტყველო ინსტიტუტის გაზეთი "კლიტე დავითისი". - 2010
• საქართველოს მართლმადიდებელი ეკლესიის ავტოკეფალიის და საპატრიარქოს გაუქმება რუსეთის იმპერიის მიერ (ავტორი) // მართლმადიდებლური საგანმანათლებლო ჟურნალი "ნათლია", #3. - 2009