ალექსანდრე ხეთაგური

დაბადების ადგილი: ქ. თბილისი.

დაამთავრა თბილისის ბიზნესისა და მარკეტინგის ინსტიტუტის ეკონომიკის ფაკულტეტი საბუღალტრო და აუდიტის სპეციალობით 2000 წელს; 2000 წელს ფლორიდის უნივერსიტეტში (ფლორიდის შტატი, აშშ.) გაიარა ტრენინგის კურსი კომუნალურ საწარმოთა რეგულირებისა და სტრატეგიის სპეციალობით (მსოფლიო ბანკის პროგრამა); 2001 წელს ფინანსებისა და საბიუჯეტო განვითარების საერთაშორისო თრენინგი (USAID/AED-ის პროგრამა) ქ. პორტლენდი, მეინის შტატი, აშშ. 2000-2002წწ. სწავლობდა საქართველოს ტექნიკურ უნივერსიტეტში ენერგეტიკის ფაკულტეტზე ენერგეტიკის მენეჯმენტის სპეციალობით (მაგისტრის ხარისხი).

1999-2000 წწ. იყო საქართველოს ენერგეტიკის მარეგულირებელი ეროვნული კომისიის აპარატის ეკონომიკური დეპატრამენტის წამყვანი სპეციალისტი; 2000-2002 წწ. საქართველოს ენერგეტიკის მარეგულირებელი ეროვნული კომისიის აპარატის ეკონომიკური დეპარტამენტის მთავარი სპეციალისტი; 2002-2004 წწ. მუშაობდა საქართველოს ენერგეტიკის მარეგულირებელი ეროვნული კომისიის აპარატში მეთოდოლოგიური და ინფორმაციული უზრუნველყოფის დეპარტამენტის დირექტორად; 2004-2005 წწ. იყო საქართველოს ენერგეტიკის მინისტრის მოადგილე; 2005-2006 წწ. მინისტრის პირველი მოადგილე; 2006-2007 წწ. ეკავა საქართველის ნავთობისა და გაზის კორპორაციის გენერალური დირექტორის თანამდებობა; 2007-2012 წწ. იყო ენერგეტიკისა და ბუნებრივი რესურსების მინისტრი; 2012 წლის 13 აგვისტოდან – 25 ოქტომბრამდე იყო ფინანსთა მინისტრი; 2012 წლიდან კომპანია "სოკარ გაზ დისტრიბუშენი"-ს დირექტორი, კომპანია "საქორგგაზი"-ს დირექტორი, კომპანია "სოკარ ჯორჯია გაზი"-ს დირექტორის მოადგილე კომერციულ საკითხებში.

წყარო: ვინ ვინ არის საქართველოში: ქართული ბიოგრაფიული ცნობარი. –  თბ., 2006.-გვ.582; socargas.ge