ადერკი (მეფე)

ლეონტი მროველის მიხედვით, ქართლის მეათე მეფე; "მოქცევაჲ ქართლისაჲ" მოიხსენიებს როგორც ქართლის XI მეფე როკს, რომლის მეფობის შემდგომ ქართლი ორ სამეფოდ გაიყო. ვახუშტის ქრონოლოგიით, ადერკი ძვ.წ. 30 წელს დაიბადა, მეფობდა ახ.წ. 1-57 წელს. გიორგი მელიქიშვილი ადერკს ქართლის მეფე მითრიდატე I-თან აიგივებს. სარგის კაკაბაძე ადერკის მეფობას ძვ.წ. II საუკუნის I მეოთხედში ვარაუდობს.

წყარო: ქართული საბჭოთა ენციკლოპედია: ტ.1.-თბ., 1975.-გვ.89