მარეხ ჩოფიკაშვილი

დაბადების ადგილი: დაბა ყაზბეგი, ყაზბეგის მუნიციპალიტეტი.

დაამთავრა ივანე ჯავახიშვილის სახელობის თბილისის სახელმწიფო უნივერსიტეტის იურიდიული ფაკულტეტი.

1997 წლიდან მუშაობს საქართველოს იუსტიციის სამინისტროს სისტემაში: სსიპ "საქრთველოს იუსტიციის სამინისტროს  სასწავლო  ცენტრში" მეთოდისტად სისხლისა და სამოქალაქო სამართლის დარგში; 1997 წლიდან არის საქართველოს ნოტარიუსი თბილისში; 1998 წლიდან მონაწილეობას იღებს საქართველოს იუსტიციის სამინისტროს, საქართველოს ნოტარიუსთა პალატისა და საერთაშორისო  ორგანიზაციების მიერ ორგანიზებულ ტრეინინგებსა და სემინარებში, მიღებული აქვს მარავალი სერთიფიკატი; 2007 წლიდან მონაწილეობას იღებს ევროპის მაუწყებელთა გაერთიანების მიერ ორგანიზებულ ევროვიზიის სიმღერის კონკურში (საბავშვო და მოზრდილთა კონკურსებში), ჟიურის წევრთა ხმის მიცემის მონიტორინგის სტატუსით, საქართველოს საზოგადოებრივივი მაუწყებლის წარდგინებით; 2009 წელს ჩააბარა საარჩევნო ადმინისტრაციის მოხელის გამოცდა; 2016 წელს მონაწილეობა მიიღო საქართველოს ნოტარიუსთა პალატის მიერ ორგანიზებულ საერთაშორისო კონფერენციაში, რომელიც მიეძღვნა საქართველოს ნოტარიატის დაფუძნების 20 წლის იუბილეს; 2020 წლის 9 დეკემბერს მონაწილეობა მიიღო ადამიანის საერთაშორისო დღესთან  დაკავშირბით, ევროკავშირისა და გაეროს ერთობლივ პროექტში "ადამიანის უფლებები ყველასათვის". ხანგრძლივი და ხარისხიანი მომსახურების გაწევისთვის დაჯილდოებულია საქართველოს საჯარო მოსამსახურეთა პროფესიული კავშირის სიგელით (2010); ჩაბარებული აქვს საქართველოს საარჩევნო ადმინისტრაციის გამოცდა; 2021 წლის 11 ნოემბერს გაიარა ერთთვიანი ინტელექტუალური საკუთრების ზოგადი კურსი, WIPO აკადემიის დისტანციური სწავლების პლატფორმა; მსოფლიო პატენტის ორგანიზაციის მიერ საქპატენტი, DL101GE ინტელექტუალური საკუთრების მსოფლიო ორგანიზაციის (WIPO) აკადემიის მიერ შემუშავებული კურსი; 2022 წლის იანვარში მონაწილეობა მიიღო საერთაშორისო ნოტარიუსთა კავშირის მიერ ორგანიზებულ პირველ მსოფლიოფორუმში - საერთაშორისო ფორუმში ქალი ნოტარიუსებისათვის - "ვირტუალური სივრცე დიალოგისთვის და ქალი ნოტარიუსების როლი 21-ე საუკუნეში".

• კლასიკოსი მწერლის ალ. ყაზბეგის საერთაშორისო საზოგადოება, დამფუძნებელი, პრეზიდენტი (2010-)
• საზოგადოება "თბილისელი", წევრი (2019-)
• საქართველოს მთავრობის ადმინისტრაციის ადამიანის უფლებათა დაცვის საბჭოს საკონსულტაციო ჯგუფი, წევრი (2020-)
• საქართველოს ნოტარიუსთა პალატა, წევრი (1997-)