The National Library of Georgia Home - About Library - E-Resources 
  Login
Biographical Dictionary  
English   Georgian
HomeCategories  
Search
Person Name:

The Biographical Dictionary of Georgia covers biographies of people who belong to history of Georgia, who are linked with Georgia, lived in or beyond it.

The dictionary is supported by the National Library of Georgia.

The project aims at publishing the biographies of outstanding Georgians. We hope that whole Georgia will be involved in filling this unique dictionary.

Follow on Facebook

Suggest a Biography
Correction

გიორგი ბეჟანიშვილი

Date of birth:19 November, 1895
Date of death:May, 1974  (at 78 years)
Category:Engineer

Biography

დაბადების ადგილი: ქ. გორი.

დაამთავრა გორის სამოქალაქო სასწავლებელი (1913); პოლიტექნიკური საამშენებლო კურსები (1916); თბილისის გზათა მიმოსვლის ტექნიკუმი (1924); ამიერკავკასიის გზათა მიმოსვლის ინსტიტუტის საამშენებლო ფაკულტეტი (1930) და მოსკოვში კვალიფიკაციის ასამაღლებელი კურსები.

მუშაობდა ამიერკავკასიის წყლების სამმართველოში (1916); თბილისის მაზრის აღმასრულებელ კომიტეტში (1922); 1922-1930 წწ. მისი ხელმძღვანელობით და დაგეგმარებით აშენდა 37 წყალსადენი (ერწო-თიანეთის, გარე კახეთის, მანგლისის და თეთრიწყაროს რაიონებში); დაგეგმა და ააგო მანგლისი-წალკის გზატკეცილი და ხელოვნური ნაგებობანი, საავადმყოფოები მარტყოფში, საგარეჯოსა და გუნიაკალაში (ახლანდელი სოფელი სამება, წალკის რაიონი); გააფართოვა მანგლისის ელექტროსადგური, ახალი სადგური ააგო შულავერში, საკუთარი გეგმით ააშენა 5 სასკოლო შენობა; 1930-1931 წწ. იყო ბალნეოლოგიური კურორტის მთავარი ინჟინერი და მისი მშენებლობის კომიტეტის წევრი, აგრეთვე თბილისსა და მის გარეუბნებში ისტორიული ძეგლების დაცვის კომიტეტისა და "10 წ. საბჭოთა თბილისის" საიუბილეო კომისიის წევრი; მონაწილეობდა გორის გაშენებისა და კეთილმოწყობის ღონისძიებათა დამუშავებაში; პირველად გიორგი ბეჟანიშვილმა შეიმუშავა თბილისის მიდამოებს შორის საჰაერო სამგზავრო ტრანსპორტის გეგმა; პირველმა აღძრა საკითხი თბილისის საქართველოს დედაქალაქად გამოცხადების 1500 წლისთავის (446-1946 წწ.) აღსანიშნავი იუბილეს მოწყობის შესახებ; 1930-1931 წწ. ეწეოდა პედაგოგიურ მოღვაწეობას კომუნალურ ტექნიკუმში; 1932 წელს უნივერსიტეტში, 1936-1938 წწ. საქართველოს ექიმთა კვალიფიკაციის ასამაღლებელ ინსტიტუტში; 1939-1941 წწ. კიროვის სახელობის ინდუსტრიულ ინსტიტუტში. იყო თბილისის კომუნალური მეურნეობის უცვლელი თავმჯდომარე. მისი პირადი ფონდი ინახება თბილისის ცენტრალურ არქივში. 

წყარო: ქართველ მოღვაწეთა ლექსიკონი: 1801-1952: ტ.I /იოსებ იმედაშვილი -თბ.,2018.-გვ.356; საქართველოს ეროვნული არქივი: archives.gov.ge

Member of Organizations

  • ადგილობრივი საჰაერო თავდაცვის კომისია, თავმჯდომარე (1939-1944)
  • თბილისის საქალაქო საბჭო, თავმჯდომარის მოადგილე
  • თბილისის საქალაქო საბჭო, დეპუტატი (1948-)
  • თბილისის საქალაქო საბჭო, დეპუტატი (1932-)
  • თბილისის საქალაქო საბჭოს სამეცნიერო-ტექნიკური საბჭო, თავმჯდომარის მოადგილე (1933-)

Awards and Honors

  • 1946 - მედალი "1941-1945 წლებში დიდ სამამულო ომში მამაცური შრომისთვის"
  • 1944 - მედალი "კავკასიის დაცვისთვის"
  • საპატიო ნიშნის ორდენი

Bibliography

Share: