არტემ ბერეკაშვილი

დაბადების ადგილი: სოფელი კურსები (ოკრიბა), ყოფილი ქუთაისის მაზრა, ახლანდელი ტყიბულის რაიონი.

სწავლობდა ტფილისის სასულიერო სემინარიაში, საიდანაც 1892 წელს, როგორც პოლიტიკურად არასაიმედო, გარიცხეს; 1898-1906 წწ. იმიერკასპიის ოლქში, შუა აზიის რკინიგზის სამმართველოში მუშაობდა უფროს მოანგარიშედ, იყო მუშა-მოსამსახურეთა კავშირის ხაზინადარი, საინფორმაციო ბიუროსა და ადგილკომის წევრი; 1905 წლიდან მონაწილეობდა გაფიცვებში და რევოლუციურ მოძრაობაში, გამოდიოდა მიტინგებზე, კრებებზე; 1906 წელს დაწერა "Обращение к солдатам Асхабадского горнизона", რომელიც არალეგალურად დაიბეჭდა; 1894 წლიდან მუშაობდა ფარულ სამხედრო ორგანიზაციებში, 1914-1917 წლებში პირველი მსოფლიო ომის დროს დასავლეთის ფრონტზე ეწეოდა აგიტაცია-პროპაგანდას; 1906 წლის ოქტომბრის ბოლოს ქ. აშხაბადი და იმიერკასპიის ოლქი ადმინისტრაციული წესით 24 საათში დაატოვებინეს; არტემ ბერეკაშვილი ავტორია წიგნისა "თურქესტანის რევოლუციური მოძრაობიდან" (მოგონებანი); 1905-1906 წლების რევოლუციური მოძრაობის ერთ-ერთი აქტიური მონაწილე, რევოლუციონერი.

წყარო: ქართველ მოღვაწეთა ლექსიკონი:1801-1952: ტ.I /იოსებ იმედაშვილი -თბ.,2018.-გვ.360