ნიკო ჯავახიშვილი

დაბადების ადგილი: ქ. თელავი.

დაამთავრა თბილისის სახელმწიფო უნივერსიტეტის ისტორიის ფაკულტეტი 1995 წელს.

მსახურობდა საქართველოს არმიაში. 1996-1998წწ. იყო საქართველოს თავდაცვის სამინისტროს შეიარაღებული ძალების გენერალური შტაბის სამხედრო ისტორიის განყოფილების მთავარი მეცნიერ-თანამშრომელი; 1994 წლიდან მუშაობს ივანე ჯავახიშვილის სახელობის თბილისის სახელმწიფო უნივერსიტეტში. 1994-2006წწ. იყო თსუ-ს ქართული სახელმწიფო და სახალხო დიპლომატიის ისტორიის სამეცნიერო-კვლევითი ცენტრის ლაბორანტი, უმცროსი მეცნიერ-თანამშრომელი, მეცნიერ-თანამშრომელი, უფროსი მეცნიერ-თანამშრომელი. 1997 წლიდან კითხულობს ლექციებს ივანე ჯავახიშვილის სახელობის თბილისის სახელმწიფო უნივერსიტეტში. პროფესორთა საბჭომ მიანიჭა დოცენტის წოდება (2000 წ.). 2003-2006 წწ. მიწვეული იყო პროფესორის თანამდებობაზე; საკანდიდატო დისერტაცია დაიცვა თემაზე: "ქართული ფალერისტიკა" (1997 წ.), ხოლო სადოქტორო დისერტაცია თემაზე: "ქართული ბონისტიკა" (2003 წ.); 2006 წლიდან არის ივანე ჯავახიშვილის სახელობის ისტორიისა და ეთნოლოგიის ინსტიტუტის ახალი და უახლესი ისტორიის განყოფილების მთავარი მეცნიერ-თანამშრომელი; 2009 წლიდან ივანე ჯავახიშვილის სახელობის თბილისის სახელმწიფო უნივერსიტეტის ჰუმანიტარულ მეცნიერებათა ფაკულტეტთან არსებული საქართველოს ისტორიის ინსტიტუტის ასოცირებული პროფესორი; 2008 წლიდან საქართველოს პარლამენტთან არსებული ჰერალდიკის სახელმწიფო საბჭოს ჰერალდიკის საკითხების განმხილველი მუდმივმოქმედი კომისიის წევრი; 2018 წლიდან საქართველოს უმაღლესი და საშუალო საგანმანათლებლო დაწესებულებების საგანმანათლებლო პროგრამების აკრედიტაციის საბჭოს წევრი; ივანე ჯავახიშვილის სახელობის ისტორიისა და ეთნოლოგიის ინსტიტუტის სამეცნიერო საბჭოს წევრი; ლიტვის დიდი სამთავროს ინსტიტუტის (ქ. კაუნასი, ლიტვა) სამეცნიერო საბჭოს წევრი; საქართველოს ლატვიელთა საზოგადოება "Ave Sol!" საპატიო წევრი; საქართველოსა და საზღვარგარეთის ქვეყნებში გამომავალი რამდენიმე სამეცნიერო კრებულის სარედაქციო კოლეგიისა და სამეცნიერო საბჭოს წევრი; როგორც საისტორიო მეცნიერების დამხმარე დარგების (მათ შორის: ფალერისტიკა, ბონისტიკა, ნუმიზმატიკა, გენეალოგია, ჰერალდიკა, ვექსილოლოგია და სხვ.) სპეციალისტი, უშუალოდ მონაწილეობს საქართველოს თანამედროვე სახელმწიფო სიმბოლიკის შემუშავებაში. იკვლევს საქართველოს და კავკასიის ისტორიის, ასევე მსოფლიოს ცალკეულ ქვეყნებთან საქართველოს ურთიერთობის საკითხებს; ავტორია 260-ზე მეტი სამეცნიერო ნაშრომისა (მათ შორის 21 წიგნისა), რომლებიც გამოქვეყნებულია: ქართულ, ინგლისურ, გერმანულ, პოლონურ, ლატვიურ, რუსულ, სომხურ, თურქულ და არაბულ ენებზე; არის ლატვიის მეცნიერებათა აკადემიის საპატიო დოქტორი (2014) და იმავე აკადემიის უცხოელი წევრი (2022) ისტორიის დარგში - "ქართულ-ბალტიური ურთიერთობის ისტორიის შესწავლაში შეტანილი განსაკუთრებული წვლილისათვის". ავტორია წიგნებისა: "Ieskats Gruzijas un Baltijas tautu attiecību vēsturē", Rīga, 2015 (ლატვიურ ენაზე); "Очерки истории грузино-балтийских взаимоотношений" (Рига, 2015; Тбилиси, 2019) და სხვ.

• ლატვიის მეცნიერებათა აკადემია, უცხოელი წევრი (2022-)
• საქართველოს სტუდენტ-ისტორიკოსთა ლიგა , პრეზიდენტი (1993-1995)

• 2018 - საქართველოს პარლამენტთან არსებული ჰერალდიკის სახელმწიფო საბჭოს მედლის - "საქართველოს სახელმწიფო სიმბოლიკა 1918-2018 წწ." კავალერი
  საქართველოს სახელმწიფო სიმბოლიკის განვითარებაში შეტანილი წვლილისათვის
• 2001 - საქართველოს ახალგაზრდა მეცნიერთა და შემოქმედთათვის დაწესებული "წინანდლის პრემიის" ლაურეატი
  ნაყოფიერი სამეცნიერო საქმიანობისათვის
• 1997 - საქართველოს პრეზიდენტის სტიპენდიის მფლობელი (1997-2000 )
  აქტიური სამეცნიერო საქმიანობისა და მიღებული მნიშვნელოვანი შედეგებისათვის

• ნარკვევები ქართულ-ბალტიური ურთიერთობის ისტორიიდან = Essays from the history of georgian-baltic relations (ავტორი). - თბილისი, თბილ. უნ-ტის გამ-ბა, 2011. - 260გვ.
• გრიგოლ I უკანასკნელი ქართველი მეფე (ავტორი). - თბილისი, უნივერსალი, 2008. - 100გვ.
• Борьба за свободу Кавказа отношений : Из истории военно-политического сотрудничества грузин и северокавказцев в первой половине XX века (ავტორი). - Тбилиси, Изд-во Тбил. ун-та, 2005. - 148c.
• ნარკვევები ქართველი და ადიღელი ხალხების ურთიერთობის ისტორიიდან (ავტორი). - თბილისი, 2005. - 318გვ.
• Грузины под Российским флагом : Грузинские военные и гос. деятели на службе России в 1703-1917 гг. (ავტორი). - Тбилиси, Интеллект, 2003. - 208с.
• ფული საქართველოში = Money in Georgia (თანაავტორი). - თბილისი, საქ. ეროვნ. ბანკი, 2003. - 180გვ.. - ISBN: 99928-0-035-6
• ქართველი მხედრები პოლონეთის დროშის ქვეშ : პოლონურ-ქართულ სამხედრო-პოლიტიკურ ურთიერთობათა ისტორიიდან (ავტორი). - თბილისი, თსუ, 1998. - 52გვ.
• ქართული ბონისტიკა : ქაღალდის საფასთმცოდნეობა (ავტორი). - თბილისი, 1996. - 192გვ.
• ქართული ფალერისტიკა : ჯილდოთმცოდნეობა (ავტორი). - თბილისი, 1995. - 96გვ.