ილია მირცხულავა

დაბადების ადგილი: სოფელი ხორგა, ხობის რაიონი.

დაამთავრა თბილისის სახელმწიფო უნივერსიტეტი 1938 წელს; საკ. კპ (ბ) ცკ-თან არსებული უმაღლესი პარტიული სკოლა 1941 წელს.

მეორე მსოფლიო ომის მონაწილე; 1958-1964წწ. მუშაობდა საქართველოს სსრ მეცნიერებათა აკადემიის ივანე ჯავახიშვილის სახელობის ისტორიის, არქეოლოგიისა და ეთნოგრაფიის ინსტიტუტში; 1964-1970წწ. საქართველოს კპ ცკ-თან არსებული პარტიის ისტორიის ინსტიტუტის, სკკპ ცკ-თან არსებული მარქსიზმ-ლენინიზმის ინსტიტუტის ფილიალის დირექტორის მოადგილე; 1970 წლიდან საქართველოს სსრ მეცნიერებათა აკადემიის საზოგადოებრივი მეცნიერების დარგში სამეცნიერო ინფორმაციის სექტორის დირექტორი. იკვლევდა საქართველოსა და ამიერკავკასიის პარტორგანიზაციების, რევოლუციური მოძრაობის, საბჭოთა პერიოდის საქართველოს ისტორიას და აგრარული ურთიერთობის პრობლემებს. მიღებული აქვს სახელმწიფო ჯილდოები. ისტორიის მეცნიერებათა დოქტორი (1964), პროფესორი (1965).

წყარო: ქართული საბჭოთა ენციკლოპედია: ტ.7.-თბ., 1984.-გვ.14;  ომგადახდილი მეცნიერები : საგამომცემლო ცნობები. კრებული / შემდგ.: გრიგოლ ბრეგაძე. - თბ., 2000. გვ. 84-85

• 1969 - საქართველოს მეცნიერებათა დამსახურებული მოღვაწე
• სამამულო ომის II ხარისხის ორდენი
• საპატიო ნიშნის ორდენი

• 1905-1907 წლების რევოლუცია საქართველოში (ავტორი). - თბილისი, მეცნიერება, 1975. - 105გვ.
• ლენინური კოოპერაციული გეგმის განხორციელება საქართველოში (ავტორი). - თბილისი, საბჭ. საქართველო, 1968. - 132გვ.
• ოქტომბრის რევოლუცია და აგრარულ-გლეხური საკითხი საქართველოში 1917-1921 წლებში (ავტორი) // ტ. 2. - თბილისი, საბჭ. საქართველო, 1965. - 227გვ.