გუგა მიქაძე

დაბადების ადგილი: ქ. თბილისი.

დაამთავრა თბილისის სამხატვრო აკადემია 1952 წელს.

იყო ი. ნიკოლაძის მოწაფე. ეწეოდა პედაგოგიურ მოღვაწეობას ი. ნიკოლაძის სახ. სამხატვრო სასწავლებელსა და თბილისის სახელმწიფო სამხატვრო აკადემიაში. მუშაობდა დაზგური და დეკორატიული ქანდაკების დარგში. ნამუშევრები: ჰორელიეფები "სპორტი" (1980, სოხუმი, საქართველოს სუბტროპიკული მეურნეობის ინსტიტუტის სპორტული დარბაზი), "საქართველოს მეცხოველეობა" (1981, მეცხოველეობის ექსპერ. კომპლექსი, წნორი); რელიეფები: "შრომა" (1976), "ნატვრის ხე" (1979, ორივე საქართველოს სურათების გალერეა, თბილისი და სხვ.). მისი ნამუშევრები დაცულია შ. ამირანაშვილის სახელობის ხელოვნების სახელმწიფო მუზეუმში, დ. შევარდნაძის სახელობის საქართველოს ეროვნულ გალერეაში.

წყარო: ქართული საბჭოთა ენციკლოპედია: ტ.7.-თბ., 1984.-გვ.26; საქართველოს მეცნიერებათა ეროვნული  აკადემია: ქართული ენციკლოპედიის ი. აბაშიძის სახელობის მთავარი სამეცნიერო რედაქცია: georgianencyclopedia.ge

• 1976 - საქართველოს დამსახურებული მხატვარი