გიორგი ჯანჯღავა

დაბადების ადგილი: ქ. თბილისი.

დაამთავრა თბილისის სახელმწიფო უნივერსიტეტის ეკონომიკური და სოციალური გეოგრაფიის ფაკულტეტი 1988 წელს; 1986-1987წწ. სწავლობდა კაიროს უნივერსიტეტში; გრძელვადიანი სამეცნიერო მივლინებით იმყოფებოდა ლონდონის უნივერსიტეტში 1990 წელს.

1989-1992წწ. იყო თბილისის სახელმწიფო უნივერსიტეტის ეკონომიკური და სოციალური გეოგრაფიის კათედრის მეცნიერ-თანამშრომელი; 1992-1993წწ. საქართველოს სახელმწიფო საბჭოს სახელმწიფო მრჩეველი საგარეო ურთიერთობათა დარგში; 1993-1994წწ. საქართველოს სახელმწიფოს მეთაურის დიპლომატიური პროტოკოლის სამსახურის უფროსი; 1994-2004წწ. საქართველოს გენერალური კონსული თურქეთში, (ტრაპიზონი); 2004-2005წწ. საქართველოს სტრატეგიისა და საერთაშორისო ურთიერთობების კვლევის ფონდის მეცნიერ-თანამშრომელი, ექსპერტი; 2014-2018წწ. იკავებდა საუდის არაბეთის სამეფოში საქართველოს საგანგებო და სრულუფლებიანი ელჩის და ისლამური თანამშრომლობის ორგანიზაციაში (OIC) საქართველოს წარმომადგენლის პოზიციას. არის 2 წიგნისა და 30-ზე მეტი სამეცნიერო ნაშრომის ავტორი. მინიჭებული აქვს საგანგებო და სრულუფლებიანი ელჩის დიპლომატიური რანგი (2007). 2018 წლიდან საქართველოს საგანგებო და სრულუფლებიანი ელჩი თურქეთის რესპუბლიკაში.

წყარო: ვინ ვინ არის საქართველოში: ქართული ბიოგრაფიული ცნობარი. –  თბ., 2006.-გვ.611; საქართველოს საგარეო საქმეთა სამინისტრო: mfa.gov.ge; დამოუკიდებელი საქართველოს ელჩები, 1991-2021: ნაწილი 1/ ჭუმბურიძე, ზვიად. - თბ., 2021. გვ. 193

• ახლო აღმოსავლეთის კვლევის ბრიტანული საზოგადოება, წევრი (1999-)
• ნაციონალური გეოგრაფიული საზოგადოება, წევრი (1997-)
• საერთაშორისო ორიენტალისტიკური ნუმიზმატიკური საზოგადოება, წევრი (2004-)

• წმ. მარკოზ მახარებლის ორდენი