მარი ჯანაშია

დაბადების ადგილი: ქ. თბილისი.

დაამთავრა თბილისის სახელმწიფო თეატრალური ინსტიტუტი 1971 წელს.

1968-1980წწ. იყო შოთა რუსთაველის სახელობის თეატრის მსახიობი; 1980 წელს  კოტე მარჯანიშვილის სახელობის თეატრის მსახიობი; 1988 წლიდან  კვლავ შოთა რუსთაველის სახელობის თეატრის მსახიობია. მონაწილეობდა სპექტაკლებში: "ანტიგონე", "გუშინდელნი", "რომეო და ჯულიეტა", "ბერნარდა ალბას სახლი", "ქალის ტვირთი", "ტარტიუფი", "ოტელო", "ევრიპიდე", "წელიწადში ერთხელ", "კავკასიური ცარცის წრე", "თოლია", "კატა თუნუქის გახურებულ სახურავზე", "ოქრომჭედლის სახელოსნოს წინ"; მხატვრულ ფილმებში: "ნუცა", "დოკერი", "დილის ნისლივით", "კუკარაჩა", "მარადისობის კანონი", "ხიდი", "გზის დასაწყისი", "მარტოხელა მონადირე", "ცოდვის შვილები", "ევრიდიკე", "დინოზავრის კვერცხი" და სხვა.; სატელევიზიო სპექტაკლებში: "თეთრი კურდღელი" (სიდონია), "მე შენ მიყვარხარ" (თეა); მიწვეული იყო თეატრებში: "ვერიკო", "სამეფო უბნის თეატრი". 2000 წელს კიშინოვის ფესტივალზე მიიღო პრიზი ოქროს "იონი". კინოსა და თეატრის მსახიობი.

 წყარო: ვინ ვინაა საქართველოში: ქართული ბიოგრაფიული ცნობარი. -თბ., 1996-97. -გვ.247; ვინ ვინ არის საქართველოში: ქართული ბიოგრაფიული ცნობარი. –  თბ., 2006.-გვ.605; შ. რუსთაველის სახელობის სახელმწიფო აკადემიური თეატრი: rustavelitheatre.ge

• საქართველოს თეატრალურ მოღვაწეთა კავშირი, წევრი (1976-)
• საქართველოს კინემატოგრაფისტთა შემოქმედებითი კავშირი, წევრი (1984-)

• 2010 - ნუცა ჩხეიძის სახელობის პრემია
• 1981 - საქართველოს დამსახურებული არტისტი