კონსტანტინე მოდებაძე

დაბადების ადგილი: ქ. ზესტაფონი.

დაამთავრა ჟენევის უნივერსიტეტის საბუნებისმეტყველო ფაკულტეტი 1906 წელს.

1911-1919წწ. მუშაობდა საქარის სანერგეში; 1924 წელს მიიწვიეს თბილისის სახელმწიფო უნივერსიტეტში; 1928 წლიდან გარდაცვალებამდე ხელმძღვანელობდა საქართველოს სასოფლო-სამეურნეო ინსტიტუტის მეღვინეობის კათედრას; 1930-1934წწ. იყო აგრეთვე მებაღეობა-მევენახეობის ფაკულტეტის, ხოლო 1943-1946წწ. ტექნოლოგიური ფაკულტეტის დეკანი. დაამუშავა ნახევრად ტკბილი სამარკო ღვინის - "ხვანჭკარას" სამრეწველო ტექნოლოგია, შეისწავლა ლითონებისა და კლერტის გავლენა ღვინის ხარისხზე. ადგილობრივი ღვინოების მიკროფლორის შესწავლის შედეგად მიიღო რქაწითელის, მწვანეს, საფერავის, ხვანჭკარას, ციცქასა და ცოლიკაურის საფუვრების წმინდა კულტურები. ქართველი მეცნიერი-მეღვინე. სოფლის მეურნეობის მეცნიერებათა დოქტორი (1938), პროფესორი (1930).

წყარო: ქართული საბჭოთა ენციკლოპედია: ტ.7.-თბ., 1984.-გვ.57

• 1943 - საქართველოს მეცნიერებათა დამსახურებული მოღვაწე
• საპატიო ნიშნის ორდენი
• შრომის წითელი დროშის ორდენი

• მეღვინეობა : სახელმძღვანელო უმაღლეს სკოლებისათვის (ავტორი). - ტფილისი, სახელგამის გა-მა, 1931. - 356გვ.
• ვარჯიშობა ტკბილისა და ღვინის მიკრობიოლოგიაში (ავტორი). - ტფილისი, ტფილ. უნ-ტი, 1929. - 52გვ.
• ენოქიმიის სახელმძღვანელო (ავტორი). - ტფილისი, სახ. უნ-ტი, 1925. - 126გვ.