შალვა ელიავა

დაბადების ადგილი: ქ. ქუთაისი.

დაამთავრა თბილისის სახელმწიფო სამედიცინო ინსტიტუტი 1976 წელს; თბილისის სახელმწიფო უცხო ენათა ინსტიტუტის ინგლისური ენისა და ლიტერატურის ფაკულტეტი 1980 წელს.

1976-1980წწ. მუშაობდა თბილისის ნევროლოგიის ინსტიტუტის ნეიროქირურგიულ განყოფილებაში; 1980-1982წწ. აკად. ნ.ნ. ბურდენკოს სახ. სამეცნიერო კვლევითი ინსტიტუტის სისხლძარღვთა განყოფილების თანამშრომელი; 1982 წელს ჩააბარა ნეიროქირურგიის სამეცნიერო კვლევითი ინსტიტუტის კლინიკურ ასპირანტურაში; 1992-1994წწ. მუშაობდა ქ. ერლანგენის (გერმანია) ნეიროქირურგიულ კლინიკაში. 2000 წელს მიენიჭა პროფესორის წოდება. 2010 წლიდან აკად. ნ.ნ. ბურდენკოს სახ. სამეცნიერო კვლევითი ინსტიტუტის სისხლძარღვთა ნეიროქირურგიის განყოფილების უფროსი. ავტორია 200-ზე მეტი სამეცნიერო ნაშრომის და ორი მონოგრაფიის. ექიმი-ნეიროქირურგი, მედიცინის მეცნიერებათა დოქტორი, პროფესორი.              

საკანდიდატო დისერტასიის თემა - "ავმ-ის კლინიკა, დიაგნოსტიკა, მიკროქირურგიული მკურნალობა", დაიცვა 1985 წელს; სადოქტორო დისერტაციის თემა - "ღრმა სტრუქტურების არტერიოვენური მალფორმაცია: კლინიკა, დიაგნოსტიკა და ქირურგიული მკურნალობქა", დაიცვა 1992 წელს.

• რუსეთის მეცნიერებათა აკადემია, წევრ-კორესპონდენტი (2016-)