გიორგი ათარბეგოვი

დაბადების ადგილი: ქ. ეჩმიაძინი.

რევოლუციურ მოძრაობაში ჩაება 1905 წლიდან. 1910-1911წწ. სწავლობდა მოსკოვის უნივერსიტეტში. 1917 წლიდან ეწეოდა პარტიულ მუშაობას ალექსანდროპოლსა (ახლანდელი ლენინაკანი) და სოხუმში; 1918 წელს იყო აფხაზეთის შეიარაღებული აჯანყების ერთ-ერთი ხელმძღვანელი; ჩრდილოეთ კავკასიის საგანგებო კომისიის თვმჯდომარე; კასპიისა და კავკასიის ფრონტის განსაკუთრებული განყოფილების უფროსი; 1919 წლიდან სამხრეთის ფრონტის განსაკუთრებული განყოფილების უფროსი და ტრიბუნალის თავმჯდომარე; 1920 წლიდან IX არმიის განსაკუთრებული განყოფილების უფროსი, სრულიად რუსეთის საგანგებო კომისიის რწმუნებული ჯერ ყუბან-შავიზღვისპირეთის ოლქში, შემდეგ ბაქოში; 1921 წლიდან სომხეთის ჩრდილოეთ რაიონების რევკომის თავმჯდომარე; შემდეგ ამიერკავკასიის მუშგლეხინის სახ. კომისრის მოადგილე; ამიერკავკასიის ფოსტა-ტელეგრაფის სახალხო კომისარი, რკპ(ბ) ამიერკავკასიის პარტიის საკონტროლო კომისიის პრეზიდიუმის წევრი. დაიღუპა თვითმფრინავის კატასტროფის დროს. საბჭოთა სახელმწიფო და პარტიული მოღვაწე.

წყარო: ქართული საბჭოთა ენციკლოპედია: ტ.1.-თბ., 1975.-გვ.223

• კომუნისტური პარტია, წევრი (1908-)