გიორგი ჩუბინიძე

დაბადების ადგილი: ქ. ხაშური.

დაამთავრა საქართველოს საპატრიარქოს წმიდა ანდრია პირველწოდებულის სახელობის ქართული უნივერსიტეტის ჰუმანიტარულ მეცნიერებათა და სამართლის სკოლა 2018 წელს; 2021-2022 წლებში სწავლობდა ავსტრიაში, ტრუმაუს კათოლიკურ უნივერსიტეტში თეოლოგიის მიმართულებით; ამავე პერიოდში ვენაში, ენის სკოლა DeutschAkademie-ში გაიარა გერმანული ენის სრული კურსი; 2022-2023 წლებში სწავლობდა ბერლინში, ბრივატ სავარინის კოლეჯში, 2023 წლიდან ილიას სახელმწიფო უნივერსიტეტის შუა საუკუნეების კვლევების მაგისტრანტია; 2024 წლიდან სწავლობს ბერლინის თავისუფალ უნივერსიტეტში.
ამავე დროს, იგი აქტიურად მონაწილეობდა საზოგადოებრივ და პროფესიულ ცხოვრებაში; 2012-2015 წლებში იყო ახალგაზრდული ჟურნალის "360 გრადუსი" რედაქტორი; 2013-2014 წლებში მუშაობდა საინფორმაციო-ანალიტიკური სააგენტო "The Tbilisi Times"-ში, კულტურის მიმართულების რედაქტორად; 2015-2016 წლებში იყო პროექტ "საქართველოს მოხალისე"-ს კოორდინატორი ხაშურის მუნიციპალიტეტში, რომელიც ხორციელდებოდა საზოგადოებრივი ორგანიზაცია "მეგობრობის ხიდი ქართლოსისა" და საქართველოს სპორტისა და ახალგაზრდობის საქმეთა სამინისტროს მხარდაჭერით; 2015-2018 წლებში იყო საქართველოს საპატრიარქოს წმიდა ანდრია პირველწოდებულის სახელობის ქართული უნივერსიტეტის სტუდენტური თვითმმართველობის განათლებისა და მეცნიერების კლუბის, შემდეგ კი სტუდენტთა სამეცნიერო წრის ხელმძღვანელი; 2018-2019 წლებში კი დაიკავა პოზიცია საქართველოს საპატრიარქოს წმიდა ანდრია პირველწოდებულის სახელობის ქართული უნივერსიტეტის ჰუმანიტარულ მეცნიერებათა და სამართლის სკოლის სპეციალისტისა და საერთაშორისო ურთიერთობებისა და რეგიონალური პროცესების საბაკალავრო პროგრამის კოორდინატორის რანგში; 2017 წლიდან არის "ქართული ვიკიპედიის" ერთ-ერთი შემმოწმებელი; 2019 წელს დაიწყო მუშაობა საქართველოს პარლამენტის ეროვნული ბიბლიოთეკაში; 2019-2020 წლებში იყო სამოქალაქო განათლების მასწავლებელი ქ. თბილისის მე-6 საჯარო სკოლაში; 2020 წლიდან მუშაობს ჟურნალ "საქართველოს ბიბლიოთეკის" სარედაქციო კოლეგიის წევრად, 2023 წლიდან კი "რადიობიბლიოთეკის" მენეჯერად. არის ააიპ განათლებისა და კულტურის მულტიფუნქციური ცენტრის დირექტორი.

• განათლებისა და კულტურის მულტიფუნქციური ცენტრი, დირექტორი (2020-)
• ხაშურის ახალგაზრდული თვითმმართველობა, წევრი (2015-)

• საქართველოს პარლამენტის ეროვნული ბიბლიოთეკის ახალგაზრდა ჰუმანიტართა I კონფერენციის მასალების კრებული (თანარედაქტორი). - თბილისი, 2019. - ISBN: 9789941964060
• საქართველოს მეცნიერებათა ეროვნული აკადემია. სტუდენტთა და ახალგაზრდა მეცნიერთა ინტერდისციპლინური კონფერენცია (თბილისი, 2017) ახალგაზრდა მეცნიერთა განვითარების ფონდი. : საქართველოში მცხოვრები კათოლიკეებისა და ქართველი მართმადიდებელი სასულიერო პირების ურთიერთობის ისტორიისათვის 1801-1921 წლებში. (ავტორი). - თბილისი, 2018. - ISBN: 9789941803635
• ახალგაზრდა მეცნიერთა კონფერენცია (ბაკურიანი, 26-28 თებერვალი) : მასალები : ეძღვნება საქართველოს მეცნიერებათა ეროვნული აკადემიის 75 წლისთავს. საქართველოს მეცნიერებათა ეროვნული აკადემიის საბჭო; ახალგაზრდა მეცნიერთა განვითარების ფონდი. : ჭერათხევის ხეობის სოფელ დუმაცხოვის ისტორია და ეთნოლოგია. (ავტორი). - თბილისი, 2016. - ISBN: 9789941089398
• ზაქარია ჭიჭინაძის 160 წლისადმი მიძღვნილი საერთაშორისო სამეცნიერო კონფერენციის მასალები 27-29 ივნისი, 2014 (თანარედაქტორი). - თბილისი, 2015. - ISBN: 9789941080821