იოსებ კაკაბაძე

დაბადების ადგილი: სოფელი კუხი, ხონის მუციპალიტეტი.

1890-იან წლებში მუშაობა დაიწყო ზესტაფონში მანგანუმის მრეწველთან, იქვე გაიცნო და დაუახლოვდა ეგნატე ნინოშვილს. 1892 წელს მის ბინაზე შედგა მარქსისტულად განწყობილ ინტელიგენტთა კრება, სადაც საფუძველი ჩაეყარა საქართველოს პირველ სოციალ-დემოკრატიულ ორგანიზაციას, რომელსაც 1894 წელს "მესამე დასი" ეწოდა. 1895 წელს კაკაბაძე გაემგზხავრა საზღვარგარეთ, ჟენევაში, შემდეგ პარიზსა და ლონდონში. 1901 წელს იგი დაბრუნდა საქართველოში. მოღვაწეობდა ჭიათურასა და ბათუმში. 1905 წელს რევოლუციური მოღვაწეობისათვის დააპატიმრეს. განთავისუფლების შემდეგ გაემგზავრა საზღვარგარეთ, მარსელში (საფრანგეთი), სადაც დაუკავშირდა სოციალ-დემოკრატიული ორგანიზაციის წევრებს და ხელმძღვანელობდა აკრძალული ლიტერატურის გამოგზავნას ამიერკავკასიაში. 1906 წელს დაბრუნდა საქართველოში და განაგრძო არალეგალური რევოლუციური მოღვაწეობა. 1919 წელს მენშევიკურმა მთავრობამ დააპატიმრა. საქართველოში საბჭოთა ხელისუფლების გამარჯვების შემდეგ მუშაობდა სხვადასხვა ხელმძღვანელ სამუშაოზე. რევოლუციური მოძრაობის მოღვაწე საქართველოში. 

წყარო: ქართული საბჭოთა ენციკლოპედია: ტ.5.-თბ., 1980.-გვ.323

• კომუნისტური პარტია, წევრი (1918-)