გივი ჟვანია

დაბადების ადგილი: ქ. ქუთაისი.

დაამთავრა თბილისის სახელმწიფო უნივერსიტეტის ფილოლოგიის ფაკულტეტი 1941 წელს; უმაღლესი დიპლომატიური სკოლა მოსკოვში 1946 წელს.

1941-1942 წწ. მონაწილეობდა მეორე მსოფლიო ომში; 1946-1948 წწ. მუშაობდა გაეროში (აშშ); 1951 წლიდან თბილისის სახელმწიფო უნივერსიტეტში კითხულობდა საერთაშორისო სამართლისა და სხვა კურსებს; 1963 წლიდან საქართველოს მეცნიერებათა აკადემიის ეკონომიკისა და სამართლის ინსტიტუტში სახელმწიფო და საერთაშორისო სამართლის განყოფილების გამგე იყო. მისი ნაშორმები ეხება საერთაშორისო სამართალში მოსახლეობისა და ტერიტორიული ნეიტრალიტეტის და სხვა საკითხებს. იგი ქართული იურიდიული ტერმინოლოგიის (1963) ერთ-ერთი შემდგენელია. მიღებული აქვს სახელმწიფო ჯილდოები. საერთაშორისო სამართლის სპეციალისტი, იურიდიულ მეცნიერებათა დოქტორი (1969), პროფესორი (1972).

წყარო: ქართული საბჭოთა ენციკლოპედია: ტ.8.-თბ., 1984.-გვ.249

• კოსმოსური სამართლის საერთაშორისო ინსტიტუტი, წევრი
• საბჭოთა კავშირის კომუნისტური პარტია, წევრი (1945-)
• საერთაშორისო სამართლის ასოციაცია, წევრი

• 1979 - საქართველოს მეცნიერებათა დამსახურებული მოღვაწე
• სამამულო ომის II ხარისხის ორდენი

• იურიდიული ტერმინოლოგია : რუს.-ქართ. ნაწ. (შემდგენელი). - თბილისი, საქ. სსრ მეცნ. აკად. გამ-ბა, 1963. - 331გვ.