ისაკ ჟვანია

დაბადების ადგილი: სოფელი ლექიჯე, ზუგდიდის მაზრა.

1916-1917წწ. სამხედრო სამსახურში იყო; არალეგალურ პარტიულ მუშაობაში იყო ჩაბმული სოხუმის ორგანიზაციაში; 1917-1920წწ. აქტიურ პარტიულ მუშაობას განაგრძობდა ზუგდიდის მაზრისა და სოხუმის ორგანიზაციებში; იყო ქუთაისის არალეგალური საგუბერნიო პარტკომიტეტის წევრი, თანამშრომლობდა გაზ. "ბრძოლასა" და "ჩვენს ბრძოლაში"; 1918 წლის აპრილიდან მაისამდე სოხუმის რევკომის წევრი იყო; 1918-1920წწ. მენშევიკურმა მთავრობამ რამდენჯერმე დააპატიმრა; 1921 წელს იყო სოხუმის რევკომის ერთ-ერთი შემქმნელი და თავმჯდომარე. საქართველოში საბჭოთა ხელისუფლების გამარჯვების შემდეგ მუშაობდა აფხაზეთის ასსრ მიწათმოქმედების სახკომად, საქართველოს სსრ მიწათმოქმედების სახკომის მოადგილედ, საქართველოს კპ ზუგდიდის სამაზრო და სამხრეთ ოსეთის საოლქო კომიტეტის მდივნად და აჭარის ასსრ სახალხო კომისართა საბჭოს თავმჯდომარის მოადგილედ. რევოლუციური მოძრაობის მონაწილე საქართველოში.

წყარო: ქართული საბჭოთა ენციკლოპედია: ტ.8.-თბ., 1984.-გვ.249; საქართველოს ოკუპაცია: image.slidesharecdn.com

• კომუნისტური პარტია, წევრი (1913-)