ზურაბ გაბუნია

დაბადების ადგილი: სოფელი ბანძა, მარტვილის რაიონი.

იაკობ ნიკოლაძის სახელობის სამხატვრო სასწავლებლის დასრულების შემდეგ, 1976 წელს სწავლა განაგრძო თბილისის სახელმწიფო სამხატვრო აკადემიაში ფერწერის ფაკულტეტზე.

აქტიურად იყო ჩაბმული საქართველოს, საბჭოთა კავშირის და უცხოეთის საგამოფენო ცხოვრებაში; მონაწილეობდა საერთაშორისო გამოფენებში: მოსკოვში, მიუნხენში, ვერონაში, თეირანში, ნიუ-იორკსა და ლოს-ანჟელესში; 1991 წელს ტალინში გამართულ საერთაშორისო ეკონომიკური ფორუმის "Mare Balticum"-ს ფარგლებში მისი პერსონალური გამოფენა მოეწყო; 1996 წელს იგი დიჟონში, ბურბონების სასახლეში გამართულ გამოფენაში მონაწილეობდა. გასული საუკუნის 90-იან წლებში მან ბერძნული მითოლოგიის სიუჟეტებით მოხატა თბილისის კლასიკური გიმნაზიის ისტორიული დარბაზი; იყო თბილისის სახელმწიფო სამხატვრო აკადემიის მუზეუმის ხელმძღვანელი. ზ. გაბუნია არის არაერთი კონკურსის გამარჯვებული. მათ შორის, 2003 წელს, ტაჯიკეთში ისმაილ სამანის, ხოლო 2011 წელს, გიორგი შარვაშიძის პორტრეტებზე გამოცხადებული კონკურსის გამარჯვებული.

წყარო: თანამედროვე სახვითი ხელოვნების პორტალი: art.gov.ge; alexandragabunia.blogspot.; თბილისის სახელმწიფო სამხატვრო აკადემია: art.edu.ge

• ასოციაცია "ფიროსმანი" საზოგადოებრივი საბჭო, თავმჯდომარე
• საქართველოს მხატვართა კავშირი, თანათავმჯდომარე (2007-2012)
• საქართველოს მხატვართა კავშირი, წევრი (1976-)

• 2018 - ღირსების ორდენი
  დამოუკიდებელი ქართული სახელმწიფოს მშენებლობაში - განათლების, კულტურის, ხელოვნების დარგებში შეტანილი განსაკუთრებული პიროვნული წვლილისათვის