შიო (საქართველოს კათოლიკოს-პატრიარქი)

საქართველოს კათოლიკოს-პატრიარქი 1435-1438; 1440-1443/7 წლებში. საქართველოს მეფის ალექსანდრე I დიდის აქტიური თანამშრომელი პოლიტიკურ და სამეურნეო დარგში. შიო მონაწილეობდა თემურლენგის შემოსევათა შედეგად გაპარტახებული ქვეყნის აღდგენით სამუშაოებში. მცხეთის სვეტიცხოვლის შემცირებული მიწისმფლობელობის გაზრდის მიზნით შიომ სამეფო ხელისუფლებისაგან შეწირულებად მიიღო მრავალი სოფელი და ციხე არმაზი მისი ეკლესიითურთ.

წყარო: ქართული საბჭოთა ენციკლოპედია: ტ.11.-თბ., 1987.-გვ.6