თეოდორიტე კვირელი

423-449 წლებსა და 450-458 წლებში ქალაქ კვირის (სირია, ანტიოქიის მახლობლად) ეპისკოპოსი. იყო ნესტორელობის მიმდევარი. მას ეკუთვნის მრავალი თეოლოგიური ხასიათის თხზულება და "საეკლესიო ისტორია". ამათგან 7 თხზულება ქართულად უთარგმნიათ შუა საუკუნეებში. "საეკლესიო ისტორია" თარგმნა ეფრემ მცირემ. ეს თხზულება ორიგინალური ნაშრომია და მნიშვნელოვანი წყაროა ქართლის გაქრისტიანების შესწავლისათვის. სხვა თხზულებებში თეოდორიტე კვირელს  მოჰყავს საინტერესო ცნობები ქართველთა ტომების - მოსხების, თობელ-იბერების, ლაზების, ჭანების, აბაზგების, ტიბარენების შესახებ, იხსენიებს ქალაქ ბიჭვინთას და სხვა. საეკლესიო მოღვაწე.

წყარო: საქართველო: ენციკლოპედია: ტ. IV. -თბ., 2018. -გვ.41