ვენერა თვალაძე

დაბადების ადგილი: სოფელი ქვაითი (ხუნწი), ახლანდელი მარტვილის მუნიციპალიტეტი.

დაამთავრა თბილისის სულხან საბა ორბელიანის სახელობის სახელმწიფო პედაგოგიური ინსტიტუტის (ამჟამად ილიას სახელმწიფო ინსტიტუტი) ბიბლიოთეკათმცოდნეობისა და ბიბლიოგრაფიის ფაკულტეტი 1959 წელს.

1961-1966 წლებში მუშაობდა კარლ მარქსის სახელობის საქართველოს სახელმწიფო რესპუბლიკურ ბიბლიოთეკაში (ამჟამად საქართველოს პარლამენტის ილია ჭავჭავაძის სახელობის ეროვნული ბიბლიოთეკა); 1966- წლიდან ეწეოდა პედაგოგიურ მოღვაწეობას თბილისის საბიბლიოთეკო სასწავლებელში; 1983 წლიდან საქართველოს პოლიტექნიკურ ინსტიტუტში პოლიტიკური პარტიების ისტორიის, პოლიტოლოგიისა და საერთაშორისო ურთიერთობების კათედრაზე. გამოქვეყნებული აქვს სამეცნიერო ნაშრომები, მათ შორის რამდენიმე მონოგრაფია, სახელმძღვანელო და დამხმარე სახელმძღვანელო. ისტორიის მეცნიერებათა დოქტორი (1998), პროფესორი (2001).

წყარო: საქართველო: ენციკლოპედია: ტ. IV. -თბ., 2018. -გვ.56

• ღირსების ორდენი
• შრომის ვეტერანი
• ომის ვეტერანი

• კულტურულ და პოლიტსაგანმანათლებლო სტრუქტურები 1921-1925 წლების საქართველოში : დამხმ. სახელმძღვ. (ავტორი). - თბილისი, ს/ს "პირველი სტ.", 2002. - 340გვ.
• საქართველოს პოლიტიკური პარტიების ისტორია : 1921-1925 წლების საქართველოს პოლიტ. ისტორიის ზოგიერთი ასპექტი (ავტორი). - თბილისი, ტექნ. უნ-ტის გამ-ბა, 1997. - 24გვ.
• ბიბლიოთეკა-სამკითხველოების ქსელის ორგანიზაცია საქართველოში და მათი როლი სააგიტაციო-პროპაგანდისტულ მუშაობაში (1921-1925 წ.წ.) (ავტორი). - თბილისი, თბილ. უნ-ტის გამ-ბა,, 1989. - 99 გვ.
• საქართველოს კომპარტია - რესპუბლიკაში კულტურულ-საგანმანათლებლო მუშაობის ორგანიზატორი (ავტორი). - თბილისი, საბჭ. საქართველო, 1983. - 135გვ.
• საკლუბო საქმის განვითარება საქართველოში (1921-1925 წწ.) (ავტორი). - თბილისი, საქ. სსრ კულტ. სამინ., ხალხ. შემოქმ. და კულტსაგანმ. მუშაობის რესპ. სამეცნ. მეთოდ. ცენტრი, 1980. - 102გვ.