სანდრო თვალჭრელიძე

დაბადების ადგილი: ქ. თბილისი.

დაამთავრა მ. ლომონოსოვის სახელობის მოსკოვის სახელმწიფო უნივერსიტეტი 1971 წელს.

1974-1989 წწ. მუშაობდა კავკასიის ალ. თვალჭრელიძის სახელობის მინერალური ნედლეულის ინსტიტუტში მეცნიერ თანამშრომლად, სექტორის გამგედ; 1989-1994 წწ. ალ. ჯანელიძის სახელობის გეოლოგიის ინსტიტუტში განყოფილების გამგედ, დირექტორის მოადგილე; 1985-1989 და 1998 -2005 წლებში იყო თბილისი სახელმწიფო უნივერსიტეტის პროფესორი; 1999-2001წწ. საქართველოს საერთაშორისო სავაჭრო პალატის აღმასრულებელი დირექტორი; 2003-2004წწ. საქართველოს გეოლოგიის სახელმწიფო დეპარტამენტის თავმჯდომარე; 2004-2005წწ. სამთო პროექტების გენერალური დირექტორი; 2009 წლიდან არის კავკასიის ალ. თვალჭრელიძის მინერალური ნედლეულის ინსტიტუტის განყოფილების გამგე; 2010-2014წწ. - შპს "ჯორჯიან მინერალსის" დირექტორი (წარმომადგენელი საქართველოში); 2009 წლიდან არის კავკასიის ა. თვალჭრელიძის მინერალური ნედლეულის  ინსტიტუტის განყოფილების გამგე, 2015 წლიდან შპს გეოლოგიური მომსახურების ცენტრის გეოლოგიური პროდუქტების მენეჯერი, თსუ-ს მოწვეული პროფესორი. აღმოაჩინა, დათვალა მარაგი და უზრუნველჰყო სამთო საქმიანობის დაწყება ჩოვდარის ოქროს საბადოზე (აზერბაიჯანი); მუშაობდა სოფელ ზესხოს კოლჩედანურ სპილენძ-ჰიროტინულ საბადოზე (საქართველო) და ბელოუსოვსკის კოლჩედანურ მაღაროზე (ყაზახეთი). გამოქვეყნებული აქვს მრავალი სამეცნიერო ნაშრომი, მათ შორის 19 მონოგრაფია. არის მთავარი რედაქტორი და გამომცემელი საქართველოში, რუსეთში, გერმანიასა და ნიდერლანდში გამოცემული 5 საერთაშორისო სამეცნიერო კრებულისა. მონაწილეობს საერთაშორისო პროექტებში. გეოლოგიურ-მინერალოგიურ მეცნიერებათა დოქტორი (1984), პროფესორი (1985). ექსპერტი.

წყარო: საქართველო: ენციკლოპედია: ტ. IV. -თბ., 2018. -გვ.59

• საქართველოს საბუნებისმეტყველო მეცნიერებათა აკადემია, ნამდვილი წევრი (1999-)
• საქართველოსა და რუსეთის მინერალოგიური საზოგადოება, წევრი

• ნედლეულის ეკონომიკა : ნედლეულის როლი გლობალიზებულ სამყაროში (თანაავტორი). - თბილისი, ნეკერი, 2016. - 54ოგვ.. - ISBN: 9789941457470
• საქართველოს სოციალურ-ეკონომიკური განვითარების პროგრამა (თანაავტორი). - თბილისი, ნეკერი, 2011. - 314გვ.. - ISBN: 9789941416804
• საქართველოს ეკონომიკური განვითარების პრიორიტეტები : ანალიზი და უახლოესი პერსპექტივა (თანაავტორი). - თბილისი, სანი, 2002. - 155გვ.. - ISBN: 99928-984-3-7