გურამ ბელთაძე

დაბადების ადგილი: სოფელი ზედა-ვანი, ვანის მუნიციპალიტეტი.

დაამთავრა თბილისის სახელმწიფო უნივერსიტეტის მექანიკა-მათემატიკის ფაკულტეტი მათემატიკოსის კვალიფიკაციით 1972 წელს.

1972-1973წწ. საქართველოს მეცნიერებათა აკადემიის გამოთვლითი ცენტრის უმცროსი მეცნიერ-თანამშრომელი; 1974-1976წწ. სსრკ მეცნიერებათა აკადემიის ცენტრალური ეკონომიკა-მათემატიკის ინსტიტუტის ლენინგრადის განყოფილებაში და შემდეგ იმავე აკადემიის სოციალურ-ეკონომიკური პრობლემების ინსტიტუტში ნ. ვორობიოვის თამაშთა თეორიისა და ოპერაციათა კვლევის სამეცნიერო სკოლის ასპირანტი  მისივე ხელმძღვანელობით; 1975-1976წწ. ლენინგრადის სახელმწიფო უნივერსიტეტში ნ. ვორობიოვის ასისტენტი თამაშთა თეორიაში; 1977-1988წწ. ქუთაისის პოლიტექნიკური ინსტიტუტის უმაღლესი მათემატიკის კათედრის ასისტენტი, უფროსი მასწავლებელი, დოცენტი; 1989-1992 წწ. რუსეთის მეცნიერებათა აკადემიის სანკტ-პეტერბურგის ეკონომიკა-მათემატიკის ინსტიტუტის უფროსი მეცნიერ-თანამშრომელი; 1993-1998წწ. ქუთაისის ტექნიკური უნივერსიტეტის უმაღლესი მათემატიკის კათედრის პროფესორი; 1999-2006წწ. თბილისის სახელმწიფო უნივერსიტეტის პროფესორი; 2007 წლიდან საქართველოს ტექნიკური უნივერსიტეტის ინფორმატიკისა და მართვის სისტემების ფაკულტეტის პროფესორი; 2018 წლიდან იმავე ფაკულტეტის პროფესორ-ემერიტუსია. მისი სამეცნიერო  სპეციალობაა დისკრეტული მათემატიკა და მათემატიკური კიბერნეტიკა; მიმართულება - თამაშთა თეორიის და ოპერაციათა კვლევის მათემატიკური თეორია, ხოლო მეცნიერული ინტერესების სფეროა: გადაწყვეტილებათა მიღების მათემატიკური თეორია, შეფასების თეორია, პრიორიტეტების დადგენის და საკონკურსო ამოცანები, სოციალური არჩევანი, სოციალურ-ეკონომიკური, პოლიტიკური და სამართლებრივი პროცესების მათემატიკური მოდელირება, სწავლების ორგანიზაცია. აქვს 120-ზე მეტი სამეცნიერო ნაშრომი, მათ შორის სამეცნიერო სტატიები, სახელმძღვანელოები, მონოგრაფიები. ფიზიკა-მათემატიკის მეცნიერებათა კანდიდატი (1982), ფიზიკა-მათემატიკის  მეცნიერებათა დოქტორი (1992).

საკანდიდატო დისერტაციის თემა - "Игры  с  лексикографическими  выигрышами", დაიცვა  ლენინგრადის  სახელმწიფო  უნივერსიტეტში 1982 წელს; სადოქტორო დისერტაციის თემა - "Стратегические  лексикографические  игры", დაიცვა  სანკტ-პეტერბურგის სახელმწიფო  უნივერსიტეტში 1992 წელს.

წყარო: საქართველოს მათემატიკოსები და მექანიკოსები: ბიოგრაფიული ცნობარი/ნოდარ მახვილაძე. -თბ., 2016. -გვ.187-188

• საქართველოს ეკოლოგიურ მეცნიერებათა აკადემია, აკადემიკოსი

• ოქროს წესის მათემატიკური საფუძვლები : მონოგრაფია (თანაავტორი). - თბილისი, საჩინო, 2018. - 344გვ.. - ISBN: 978-9941-27-851-8
• თამაშთა თეორია : ურთიერთობათა და წონასწორობის მათემატიკური თეორია: სახელმძღვანელო (ავტორი). - თბილისი, ტექ. უნ-ტის გამ-ბა, 2016. - 505გვ.. - ISBN: 978-9941-20-605-4
• გადაწყვეტილებათა მიღების თეორია (თანაავტორი) // ნაწ. II: მრავალკრიტერიუმიანი გადაწყვეტილებები, კონფლიქტები და თამაშები. - თბილისი, ტექ. უნ-ტის გამ-ბა, 2011. - 379გვ.. - ISBN: 978-9941-14-975-7
• გადაწყვეტილებათა მიღების თეორიისა და ოპერაციათა კვლევის ამოცანები (თანაავტორი). - თბილისი, ტექ. უნ-ტის გამ-ბა, 2011. - 258გვ.. - ISBN: 978-9941-14-969-6
• გადაწყვეტილებათა მიღების თეორია (თანაავტორი) // ნაწ. I: პრიორიტეტების და სარგებლიანობების ანალიზი. - თბილისი, ტექ. უნ-ტის გამ-ბა, 2009. - 196გვ.. - ISBN: 978-9941-14-336-6
• გადაწყვეტილებათა მიღების თეორიის საფუძვლები და მათი გამოყენება საზოგადოებრივ მეცნიერებებში (თანაავტორი). - თბილისი , თბილ. უნ-ტის გამ-ბა, 2003. - 480გვ.. - ISBN: 99940-13-22-X