ნანა მაჭავარიანი

დაბადების ადგილი: ქ. თბილისი.

დაამთავრა ივანე ჯავახიშვილის სახელობის თბილისის სახელმწიფო უნივერსიტეტის ფილოლოგიის ფაკულტეტის კავკასიურ ენათა განყოფილება 1978 წელს.

1978-1981 წწ. ივანე ჯავახიშვილის სახელობის თბილისის სახელმწიფო უნივერსიტეტის ასპირანტი; 1983 წლიდან საქართველოს მეცნიერებათა აკადემიის ენათმეცნიერების ინსტიტუტის მთის იბერიულ-კავკასიურ ენათა განყოფილების უმცროსი მეცნიერ-თანამშრომელი, 1986 წლიდან უფროსი მეცნიერ-თანამშრომელი, 1991 წლიდან მეცნიერ-თანამშრომელი, 2018 წლიდან მთავარი მეცნიერ-თანამშრომელი, 2018 წლიდან არნოლდ ჩიქობავას სახელობის ენათმეცნიერების ინსტიტუტის დირექტორი. სხვადასხვა დროს კითხულობდა ლექციებს სულხან-საბა ორბელიანის სახელობის პედაგოგიურ ინსტიტუტში, ილია ჭავჭავაძის სახელობის უცხო ენათა ინსტიტუტში (2000 წლიდან პროფესორი), ბერძნულ-ქართულ უნივერსიტეტში, ხარისხის მართვის უნივერსიტეტში, 2003 წლიდან ივანე ჯავახიშვილის სახელობის თბილისის სახელმწიფო უნივერსიტეტში, 2006 წლიდან თსუ ასოცირებული პროფესორი; ივ. ჯავახიშვილის თბილისის სახელმწიფო უნივერსიტეტის კავკასიოლოგიის სასწავლო-სამეცნიერო ინსტიტუტის ასოცირებული პროფესორი. არის მრავალი სამეცნიერო ჟურნალის სარედაქციო საბჭოსა და რედკოლეგიის წევრი, მუხრან მაჭავარიანის მუზეუმის თბილისისა და არგვეთის ფილიალების დირექტორი, გამოცდების ეროვნული ცენტრის მიერ ჩატარებული ქართული ენისა და ლიტერატურის  გამოცდების მონაწილე. სამეცნიერო ინტერესების სფერო: ქართველური და მთის იბერიულ-კავკასიური ენები (განსაკუთრებით აფხაზურ-ადიღურ ენათა სტრუქტურის, ლექსიკისა და ისტორიის საკითხების კვლევა, ამ ენათა გრამატიკული წყობის ანალიზი ქართველურ ენებთან მიმართებაში); 200-ზე მეტი სამეცნიერო ნაშრომის, მათ შორის 10 წიგნის ავტორი.

საკანდიდატო დისერტაციის თემა - "სინტაქსურ მიმართებაში შემავალიზმნური კატეგორიები აფხაზურსა და ქართულში", დაიცვა 1987 წელს; სადოქტორო დისერტაციის თემა - "მცენარეთა ლექსიკა აფხაზურში (სემანტიკურ–სტრუქტურული ანალიზი)", დაიცვა 2005 წელს.

• არნოლდ ჩიქობავას სახელობის ენათმეცნიერების ინსტიტუტის სამეცნიერო საბჭო, წევრი
• ვუკოლ ბერიძის საზოგადოება, წევრი
• მუხრან მაჭავარიანის სახელობის ფონდი, თავმჯდომარე
• სახელმწიფო ენის დეპარტამენტის ექსპერტთა კომისიის ენის მეცნიერული განვითარების ქვეკომიტეტი, თავმჯდომარე
• ფაზისის აკადემია, აკადემიკოსი
• ცხუმ-აფხაზეთის მეცნიერებათა აკადემია, აკადემიკოსი

• 2015 - საჩხერის საპატიო მოქალაქე
• თბილისის სახელმწიფო უნივერსიტეტის ოქროს მედალი

• ფაუნის ლექსიკა აფხაზურში : სემანტიკურ-სტრუქტურული ანალიზი (ავტორი). - თბილისი, 2023. - 160გვ.
• აფხაზური ენის აფიქსები და მოდალური ელემენტები გრამატიკული მიმოხილვითურთ (ავტორი). - თბილისი, 2020. - 145გვ.. - ISBN: 978-9941-13-956-7
• აფხაზური ენის პრაქტიკული სახელმძღვანელო = Abkhazian Language Textbook : გრამატიკული მიმოხილვა, ტექსტები, ლექსიკონი (ავტორი). - თბილისი, 2018. - 360გვ.. - ISBN: 9789941137341
• აფხაზურ-ქართული ლექსიკონი ინდექსითა და გრამატიკული მიმოხილვით = Abkhazian-Georgian Dictionary with Index and Grammar Review (ავტორი). - თბილისი, 2018. - 344გვ.. - ISBN: 9789941137914
• აფხაზური ენის გრამატიკის საკითხები : აჭარაში მცხოვრებ აფხაზთა მეტყველების გათვალისწინებით : ტექსტებითა და ლექსიკონით : მონოგრაფია (ავტორი). - თბილისი , თბილ. უნ-ტის გამ-ბა, 2017. - 222გვ.. - ISBN: 9789941136276
• ენათმეცნიერული შტუდიები (ავტორი). - თბილისი, 2015
• Глагольные категории в абхазском и грузинском языках, вступающие в синтаксические отношения (ავტორი). - Тбилиси, Дедаена, 2011. - 142с.. - ISBN: 978-9941-0-3777-1
• აკადემიკოს ქეთევან ლომთათიძის ნაშრომთა ბიბლიოგრაფია = Библиография работ академика Кетеван Ломтатидзе (რედაქტორი). - თბილისი, უნივერსალი, 2007. - 56გვ.. - ISBN: 978-9941-12-041-1
• სინტაქსურ მიმართებაში შემავალი ზმნური კატეგორიები აფხაზურსა და ქართულში (ავტორი). - თბილისი, ქართული ენა, 2006. - 164გვ.. - ISBN: 99940-864-3-X
• მცენარეთა ლექსიკა აფხაზურში : სემანტიკურ-სტრუქტურული ანალიზი (ავტორი). - თბილისი, ქართული ენა, 2006. - 300გვ.. - ISBN: 99940-864-1-3