სალომე ზვიადაძე

დაბადების ადგილი: სოფელი კიცხი, ხარაგაულის რაიონი.

დაამთავრა თბილისის სახელმწიფო უნივერსიტეტის ფილოლოგიის ფაკულტეტი 1977 წელს.

1969-1971წწ. ხარაგაულის რაიონის სოფელ კიცხის კოლმეურნეობის წევრი; 1977-1979წწ. მცხეთის რაიონის სოფელ საგურამოს საშუალო სკოლის მასწავლებელი; 1980-1990წწ. გაზეთ "ეკრანის ამბების" რედაქციის მთარგმნელი. 1976 წლიდან მონაწილეობდა არალეგალური ორგანიზაციების მუშაობაში. 1990-1991წწ. საქართველოს რესპუბლიკის უზენაესი საბჭოს წევრი, საარჩევნო ფორმა: პარტიული სიით, საარჩევნო ბლოკი: "მრგვალი მაგიდა - თავისუფალი საქართველო", კანონმდებლობისა და კანონიერების დაცვის, ჰუმანიტარულ და სოციალურ საკითხთა კომისიის წევრი; ხელი აქვს მოწერილი საქართველოს სახელმწიფოებრივი დამოუკიდებლობის აღდგენის აქტზე (1991 წლის 9 აპრილი).

წყარო: საქართველოს პარლამენტის წევრები 1990-2015/კობა ამირხანაშვილი.- თბ.,2015.-გვ.164; საქართველოს პარლამენტის ვებ-გვერდი: parliament.ge

• მრგვალი მაგიდა – თავისუფალი საქართველო, წევრი
• საქართველოს რესპუბლიკის პირველი მოწვევის უზენაესი საბჭო, წევრი (1990-1991)