ნინო გამყრელიძე-ბუთხუზი

დაბადების ადგილი: ქ. თბილისი.

დაამთავრა თბილისის ქალთა გიმნაზია.

სცენაზე გამოვიდა 1890 წელს, ალ. ნებიერიძის მიერ ახლად დაარსებულ საერო-სახალხო თეატრში დიდებულიძის ფსევდონიმით, ხოლო 1891-1892წწ. სეზონში დიდ სცენაზე გამყრელიძის გვარით. შესრულებული აქვს შემდეგი როლები: ფაიხოშ ("სამშობლო"), მაშიკო ("ციმბირელი"), დედა ("ურიელ აკოსტა"), ემილია ("ოტელო"), პორცია ("შევლოხა-შეილოკ"), ოტრადინა ("უდანაშაულოდ დასჯილნი"), მარტა-იულია ("დამნაშავეა"), კორნელია ("გაი გრაკხი"), გუვერნანტი ქალი ("მეორედ გაყმაწვილება"), კნეინა ("ფული და ხარისხი"), ვარვარა ("ბორკილი") და სხვ. გამოდიოდა საქართველოს სხვადსხვა ქალაქის სცენებზე: თბილისში, ქუთაისში, ბათუმში, ფოთში. მონაწილეობდა თბილისის სახალხო სახლში და აუდიტორიებში გამართულ წარმოდგენებში. 1926-1927 წლების თეატრალური სეზონის შემდეგ ნინო გამყრელიძემ კინოში განაგრძო მოღვაწეობა. იგი გადაღებულია ფილმებში: "ორი მონადირე", "ჯანყი გურიაში", "ახალგაზრდობა იმარჯვებს", "ბრმა" და სხვ. მსახიობ ვიქტორ გამყრელიძის მეუღლე.

წყარო: ქართველ მოღვაწეთა ლექსიკონი, 1801-1952: ტ. I ა-დ / იოსებ იმედაშვილი.-თბ.,2018.-გვ.500