ვალერიან აბულაძე

დაბადების ადგილი: სოფელი ახალთერჯოლა, თერჯოლის რაიონი.

დაამთავრა თბილისის იიკობ გოგებაშვილის სახელობის სახელმწიფო პედაგოგიური სასწავლებელი 1948 წელს; თბილისის სახელმწიფო უნივერსიტეტის გეოგრაფია-გეოლოგიის ფაკულტეტი ეკონომიკური გეოგრაფიის სპეციალობით 1953 წელს.

1960 წლამდე მუშაობდა ეკონომიკური გეოგრაფიის კათედრის ლაბორანტად, ხოლო შემდეგ უფროს ლაბორანტად; 1967 წლიდან კათედრის ასისტენტად; 1974 წლიდან უფროსი მასწავლებლის თანამდებობაზეა. ლექციებს კითხულობდა ეკონომიკურ გეოგრაფიაში თბილისის სახელმწიფო უნივერსიტეტის სხვადასხვა ფაკულტეტებზე; სხვადასხვა დროს შეთავსებით მუშაობდა საქართველოს სასოფლო-სამეურნეო ინსტიტუტში (აგრარული უნივერსიტეტი), მოსკოვის კოოპერაციული ინსტიტუტის თბილისის ფილიალში, მოსკოვის საყოფაცხოვრებო ტექნოლოგიური ინსტიტუტის თბილისის ფილიალში, დამოუკიდებელ "გრისის" ინსტიტუტში. 1953-1956წწ. ასპირანტურის კურსი გაიარა პროფ. გვ. გეხტმანის ხელმძღვანელობით. დაამუშავა საკვალიფიკაციო თემა - "ქ. ქუთაისის ეკონომიკურ-გეოგრაფიული დახასიათება". შემდეგში კვლავ მოუხდა ახალი თემის დამუშავება - "დასახლებათა ტერიტორიული სისტემების ფორმირება ქვემო იმერეთში". ამ საკითხებზე მას გამოქვეყნებული აქვს 15-ზე მეტი სამეცნიერო ნაშრომი და შესრულებუილ აქვს 30-მდე სამეცნიერო-კვლევითი შრომა. უფროსი მასწავლებელი.

წყარო: ქართველი მოგზაურები, გეოგრაფები, ბუნების მკვლევარნი: ენციკლოპედიური ცნობარი.-თბ., 2003. -გვ.17