ნუგზარ თოდუა

დაბადების ადგილი: სოფელი დიდი ჭყონი, მარტვილის მუნიციპალიტეტი.

დაამთავრა თბილისის სახელმწიფო უნივერსიტეტის ვაჭრობის ეკონომიკისა და საქონელმცოდნეობის ფაკულტეტი 1986 წელს, სპეციალობა "საქონელმცოდნეობა და არასასურსათო საქონლით ვაჭრობის ორგანიზაცია"; თბილისის სახელმწიფო უნივერსიტეტის საზოგადოებრივ პროფესიათა ფაკულტეტი 1986 წელს, სპეციალობა "სამართალმცოდნეობა"; თბილისის სახელმწიფო უნივერსიტეტის და ლენინგრადის საბჭოთა ვაჭრობის ინსტიტუტის ასპირანტურა 1989 წელს, სპეციალობა "სამრეწველო საქონელმცოდნეობა"; ივანე ჯავახიშვილის სახელობის თბილისის სახელმწიფო უნივერსიტეტის დოქტორანტურა 1995 წელს, სპეციალობა "მარკეტინგი"; საერთაშორისო ორგანიზაცია "BUREAU VERITAS"-ის ტრეინინგი 2002 წელს"თანამედროვე მენეჯმენტის სისტემების სისტემების დანერგვა საქართველოს საწარმოებსა და ორგანიზაციებში".

1990 წლიდან მუშაობს თბილისის სახელმწიფო უნივერსიტეტიში სხვადასხვა თანამდებობაზე; 2002 წიდან ხელმძღვანელობს მარკეტინგის კათედრას; არის ჟურნალების: "ეკონომიკა და ბიზნესის", "ახალი ეკონომისტის", "ბიზნესი და მენეჯმენტის" სარედაქციო კოლეგიის წევრი, თბილისის სახელმწიფო უნივერსიტეტის სამეცნიერო შრომების კრებულის "მარკეტინგის აქტუალური საკითხების" სარედაქციო კოლეგიის თავმჯდომარე. ავტორია მრავალი სამეცნიერო შრომისა, ოთხი მონოგრაფიისა და ამდენივე სახელმძღვანელოსი. მისი სამეცნიერო შრომები ეხება პროდუქციის კონკურენტუნარიანობისა და მომხმარებელთა ქცევის მარკეტინგული კვლევის საკითხებს. ეკონომიკის მეცნიერებათა დოქტორი (1995), პროფესორი (1998).

წყარო: საქართველო: ენციკლოპედია: ტ. IV. -თბ., 2018. -გვ.79-80; tsu.ge

• ასოციაცია "მარკეტინგული კვლევის ცენტრი" , დამფუძნებელი, თავმჯდომარე (2001-)
• საქართველოს ბიზნესის მეცნიერებათა აკადემია , ნამდვილი წევრი (1997-)
• საქართველოს ეკონომიკურ მეცნიერებათა აკადემია , ნამდვილი წევრი (2000-)

• 1999 - თბილისის სახელმწიფო უნივერსიტეტის სამეცნიერო პრემია
  სახელმძღვანელოსათვის "საქონლის ექსპერტიზა საერთაშორისო ვაჭრობაში"
• 1997 - საქართველოს პრეზიდენტის პირველი ხარისხის ახალგაზრდა მეცნიერთა სტიპენდიატი (1997–2004)
• 1997 - თბილისის სახელმწიფო უნივერსიტეტის ჯორჯ შულცის სახ. ახალგაზრდა მეცნიერთა პრემია

• საქართველოს ბაზარზე მომხმარებელთა ქცევის მარკეტინგული კვლევა = Marketing research of consumer behavior in georgian market (ავტორი). - თბილისი, უნივერსალი, 2012. - ISBN: 978-9941-17-708-8
• საქართველოს ინტერნეტ-ბაზრის მარკეტინგული კვლევა (თანაავტორი). - თბილისი, უნივერსალი, 2008. - 152გვ.. - ISBN: 978-9941-12-280-4
• ტურიზმის ბაზრის მარკეტინგული კვლევა და მისი განვითარების სტრატეგიები აჭარაში (თანაავტორი). - თბილისი, უნივერსალი, 2006. - 220გვ.. - ISBN: 99940-61-01-1
• სასაქონლო პოლიტიკის მარკეტინგული სტრატეგიები აბრეშუმის ქსოვილების ბაზარზე : მონოგრაფია (თანაავტორი). - თბილისი , უნივერსალი, 2006. - 107გვ.. - ISBN: 99940-51-98-9
• საქონლის ექსპერტიზა საერთაშორისო ვაჭრობაში (თანაავტორი). - თბილისი, თბილ. უნ-ტის გამ-ბა, 1997. - ISBN: 5-511-00703-x
• ფეხსაცმლის საქონლის ექსპერტიზა კომერციულ საქმიანობაში : ლექციების კურსი (თანაავტორი). - თბილისი, თბილ. უნ-ტის გამ-ბა, 1995. - 104გვ.